الرفقـه اللـي تبعّدنـي وتدنيـنـي
حسب المصالح تبي تطلق حواجبهـا
مثل الرشاوي مابين أعطيك وتعطيني
ملعونً اصحابهـا وملعـون كاتبهـا
الرفقه اللي على النومـاس تعنينـي
أرفع لهـا البيـت وثبّـت مناسبهـا
هالوقت مهما قسى لابـد لـه لينـي
والفال دايم مع المومـن وصاحبهـا
هذا كلامي وانـا عنـدي براهينـي
قولة رسول البشـر وقـرا مكاتبهـا
ودام الامـل باقـيٍ فالـرب يغنينـي
عن حاجةٍ في يدين النـاس راغبهـا
يالله انـا سائـل انــك لاتعنيـنـي
عفوك ولطفـك إلهـي دوم طالبهـا