[غــ زمانك ــرك]

عيد

سلام ياهل الحفل وابغى صفوف يسمعنـي=ثم ازهموا لى على صياف يثبت فى مكانه
اللى يقابـل وسيـع المعرفـة مايستمنـي=اللى يبا الملعبة يقلط وله شيـك بضمانـه

صياف

قلب المولع تولع فيك ياصوت المغنـي=لكن ابو زيد لولا الفيد ما تعّب حصانـه
انا تبعـت الليالـى والليالـى عذبنـي=والرجل يطلق لسانه لين يتعب فى زمانه

عيد

اليا كسبتم عوايدكـم سباعـن يكسبنـي=ذا اليل قدمك جبل يابن العرب ماهو ليانه
انا مورى بكم يوم السو الـف ياصلنـي=والله لا قلد مغير الذيب وامشى بمشيانـه

صياف

كم واحد يحمس القهوه ونجره مايدنـي=مدرى يباها سياسـة غافيـه ولا لعانـه
اسمع كلامى وعلم به ورد العلـم عنـي=ان كان حصلت خاين قول له خل الخيانه

عيد

نجورنا قلطت يـوم النجـور يقلطنـي=واهل القلوب الذهينه طيبها بس الذهانـه
انا احسب ان المهندس قبل بالتصميم فني=واثره يبوز مساميـر التريلـه بالسبانـه

صياف

راع الغنم يزرع الحنى ويعرف للتحني=يشوفه احمر يحسبنه عصير البر تقانه
من راح زعلان لعله يروح ولا يثنـي=حتى لقيناك يالبارود وسـط الجبخانـه

عيد

الله يساعدك واللى غابـن(ن) قلبـك غبنـي=من لحقه الحف يدهن شاربه بأتلـى دهانـه
ليت الليالي عن اهـل المعرفـة مابرزنـي=اظني اكسب من اهل المعرفه عرف وحصانه

صياف

قابلت شهب السباع مع الطريق وقابلنـي=واللى قليبه صخيف كيف يلقى له متانـه
لعل قلب العنا يصل البحور ويرجهنـي=اما صحى القلب والا امرجت فيه الجبانه

عيد

اناقريت الحيايـا الرقـط حتـى صاحبنـي=ولقيت درب الشجاعه خير من درب الجبانه
سبحت سبع البحور بقدرة الله مـا غرقنـي=والعرف ما هو يا راع المعرفه بالخيزرانه

الموضوع الأصلي: محاوره بين عيد بن مربح وصياف الحربي | | الكاتب: غــ زمانك ــرك | | المصدر: شبكة بني عبس