السلام عليكم ورحمة الله وبركاته
اخواني اعضاء هذا الصرح الشامخ حبيت اضع بين ايديكم صوره لفارس من فرسان قبيله بني رشيد فارس لا يختلف على فروسيته اثنين اشتهر بالكرم والسخاء فارس رغم مرور وقت طويل على وفاته رحمه الله لا زال ذكره موجود الى الان
هو الفارس الشيخ محمد بن عجوين رحمه الله شيخ فخذ العجاونه من بني رشيد
وهذه بعض القصائد اللتي قيلت فيه رحمه الله منقوله من موضوع الاخ عبس 404
وقعت معركه على تسعة رجال من ذوي عجوين بقيادة الفارسين المعروفين الشيخ محمد بن عجوين والشيخ مناور بن عياده بن عجوين
مع الجعافره من عنزه فيقول شاعر العنوز يصف المعركة بعد أن تم أسره ويقول:
كونن جرى شين على اللي يعده=ياليت ماجرى علينـا ولاكـان
حنا طمعنا جيشهـم والأشـده=لاكان فكو جيشهم ذرف الايمان
لوكـان ردينـا ثلاثـيـن رده=مالله نصرنا واحمر الدم ميدان
أهل الركاب التسع مثل الأسده=ياليتهـم منـا ولاهـم بعـدوان
خليتنـي ياولـد عمـي بشـده=عيت عيونك لاتقديـك بحـلان
طيرك راعي الصفراء المستعده=يالله طلعتو فوق زرفات وسمان
*راعي الصفراء هو الفارس الشيخ محمد بن عجوين
كما قال في مدحه الشاعر: طالب بن الجويعان العنزي
ياعيال يا اللي على الثنتين=حطوا الجواعد على شدة
حطوا عليهن دلالن زين=والصبح ياما حلي المدة
البيض ينصن ابن عجوين= تنصاه بيض بلا عدة
يقول شاعر اخر من قصيدة طويلة يصور بها كرم فارسنا:-
يامسري القوم يامحمد=يومن ضوء القمر غابي
سارين لين الفجر عمد=خمسة عشر يوم بحسابي
ويقول شاعر اخر في مدحه
ياراعي الصفراء الطليع المحلاة=يااللي منعت الكون والقوم عنا
وتقبلوا تقديري واحترامي