السلام عليكم
البدايه من عند
فوزي
مرحبا في صرح شامخ من المجد التليد
مايزول إلا تزول البسيطه كلها
متصل ماينفصل من زهير إلى رشيــد
شجرةٍ شمّا عزيزه يظلل ظلها
عمر الخالدي
"البقى للعزوه اللي تفيد وتستفيد
عزوة ماترتدي دل ماهو دلها
ياعسـاها في زيـادة بقـوتها تزيد
في شمــوخ وزود ياعــلها ياعلها
فوزي
ماعليكم زود والله على خلقه شهيد
قبل لاندخل بدق العلوم وجلها
ساكنين الدار بالعز والرأي السديد
وأنت قل(لهذيل)تصحى وتاقف قل لها
عمر
ياسلايل عبس لا تحسبون العبد سِيد
كل ماصعبت عقود الحبال يحلها
فيه ضيـفاً من قريّــب وضـيفاً من بعـيد
قدم الواجب للاثنين ولا خـلها
فوزي
ماخضعنا غير لله خلاق العبيد
والعلاقه ساميه والرجال نجلها
أبشر أني للمهمات عز وجنب حيد
وأنت أشوفك مرتبك والسيوف تسلها
عمر
من سمع قولك يقول انك اعند من عنيد
وانت منت بشوق عبله ولا انت بخلها
شوفة الضـــامي على جمة العـــد العديد
بــــه كبـــــود تـــسرها بــــه كبـــــود تعلها
فوزي
ياعدو الذيب والحق والعلم الأكيد
لاتكابر لين كل الحمول تشلها
الأمور مدبره والذكي غير البليد
كل وقفه نحتسيها ونعرف حِلها
عمر
مايدفك للخطر غير شيطان مريد
اذكر الله كل مااقبل صلاه وصلها
الأمور مسـنعه مـير لاقل الرصيد
يمكن اهـل البل تغير وســيمة بلـها
فوزي
تعتزي وتريد والرب يفعل مايريد
والنصيحة طيبه طيعني وأذعن لها
أنت وسط النار وشعارها هل من مزيد
مير نزل راية (هذيل) ولافلها
عمر
اعتزي مادام جنبي وضـلعي من حديد
وان نويت جبال سلمى في يوم احتلها;
راية الهذلان من دونها الباس الشديد
مـــاهي بحـــوتة بحـــر في الـــبحر تـــنزلها
فوزي
كان جبت العيد لاتحسب أن عيدك سعيد
والجبال تعيش وتموت ماتصل لها
راية الهذلان يشهد له العصر المجيد
مير راية عبس كم راية ٍ تركن لها
عمر
الجراد اللي على الغصن ابرسل له مبيد
مابتعب لــه رِكــابي ولا هــوبــلــــها
راح عــنتــر بن زبـيـبه وهارون الرشيد
وانت ماباقي في عينك دموع تهلها
فوزي
عالم ٍ ماعندها الا المهايط والوعيد
يامهايط بالخلا سل نفسك سلها
الفهود تعقب فهود حمراهم وقيد
مانت قادر تحتملها ولاكفو لها
عمر
شطر بيت من القصيدة وبيت من القصيد
توقظ النايم وعِميَ العيون تدلها
لـــو ضلوع آدم تجــزت على عــايد وعـــيــد
إحْــتَلت ذرية آدم وحـوآء حلها