قصيده غزليه رائعه لشاعرنا
ناصر بن مرسال
 |
|
 |
|
ياشوق صارحني قبل فايت الفوت
ضمد جروحي من جميع النواحي
ترى لافات الفوت ماينفع الصوت
حتى ولو عانق صياحك صياحي
حبك كما الغبه وقلبي كما الحوت
والحوت دون البحر ماله نجاحي
انت الامل والعمر والمال والقوت
بعدك حرام وبعد غيرك مباحي
لاتبتعد وانا آحيا فيك وأموت
قرّب ترى قربك يزيد إرتياحي
الله لو تفتح لي الصدر وأفوت
والجى بصدرك عن سموم الرياحي
سكرة غلاك اشدّ من سكرة الموت
والذّ عندي من نسيم الصباحي
احب غيرك وأحيا فيه وأموت
بس انت احبك حب ماهو بصاحي |
|
 |
|
 |