سقوى سقاء الله لا مسكنا المقاهير = نبي شمال ودربنا خابرينه
مع المنحل والضعن حزة عصير = وام الجرس قدام مثل السفينه
والسكس ماحمل على ظهره أشعير = مفارقين القار وصوت المكينه
ناوين خداً يجذب الصيد والطير= ولا داره القناص راع المدينه
خداً قفر وغادينله نواوير = ماجاله الشاوي ولاجاب ظينه
وبيت الشعر أمشيد بلمواصير = في وسط جواً غاشيته السكينه
وفيه الدلال مبهره للمسايير= نسوقها لهل العقول الرزينه
وربعي على اليمنى رجالاً مناعير = الكل منهم حافظاً راس دينه