[نايف ابن عليثه]

1- ماهي علاقتك بالشعر ؟

مستمع ومتذوق للشعر بجميع انوآعه ويعتبر المتنفس لي في بعض الأحيــآن

2- من هو شاعرك المفضل؟

مجموعة شعرآء والذي يحضروني الأن هم

الامير محمد السديري ومسـآعد الرشيدي وحمد السعيد وحـآمد زيد ومحمد الذيب ومحمد جـآرالله

3- اعضاء في المنتدى تثق في ذائقتهم الشعرية؟

كثيرون ومنهم العمده وخـآتم ورآشد ربـآح

4- بيت شعر يحضرك دائما ؟

لاخـآب ظنكـ بالرفيق الموآلــي == مــآلكـ مشــآريهن على بـآقي النــآس

5- قصيده تعدينه/ـا من اروع القصائـد ؟

قصيدة الامير السديري الي مطلعهــآ

ياعل قصر ماتجيله ظلالي ***** ينهد من علي مبانيه للساس **

6- هل لك محاولات في كتابه الشعر؟

يقولون اللي يكتب القصيد يحب وانــآ بعيد عن هذآ وذآكـ هههه

7- لك مساحه بلآ حدود وحرية بلا قيود امتعين/ـا بقصيدة على ذوقك؟

قصيدهـ أعجبتني



غرام أحباب
على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب
ـــــــــــــــــــــــــ





اتمنى اني لم أكن ضيف ثقيل عليكــم

واللي بعدي أدري بطيبتي غلطه

هع هع

وتقبلوآ ســلآمــي,,,