الاياراكب اللي يرخـي اركونـه مـع اللفـات=نعوم اللي يبي عقب العصر بالخـط مرواحـي
ليامنه ركز صدره ركزت الكـوع بالمركـات=وثنيت الرجل فوق الرجل ثم اطلعت مسباحـي
منسف غترتي وشيل من شـلات ولـد سكـات=شعر عبـدالله المظهـور والاسويلـم مناحـي
ابزور الرفيق اللي مايسمع فـي انـا بالـذات=مايسمع في مهما صار ممن جا ومـن راحـي
ازوره واشرح الموضوع وازعل راعي الغرات=هذاك السايح اللى طـول عمـره وهوسواحـي
هـذاك اللـي عيونـه دايـمٍ طيـار بالغفـلات=صدق من قال بعض الاصدقا سارق ومزاحـي
وانا والله ماعندي شك بـك ياعالـي الهامـات=لكن ازيارتي لك لسـلام وبعـض الايضاحـي
لوني عارف انك تعرف محمـد مثـل مافـات=لكن اني لياحبيت خشمـك صـرت مرتاحـي
ياصافين النوايا خوذوا الحيطـه مـن الصنـات=هـذاك اللـي يلمـح فـي سواليفـه تلماحـي
ترا يرسل ويستقبـل ويسبـق ذبذبـات الشـات=عليـه الله وكبـر لا بغـى يجتـاح يجتاحـي
ذكي فغلأ ذكي مهما هقيـت يضيـع الهقـوات=يجي بكفوف بيضى لكن اهـو اشـد سفاحـي
ومن حليا حلال القوم دايـم باقشـر الحـالات=لياسمع ان احد في خير جاه انهيـت وفحاحـي
سـلام الله عليكـم ياهـل العـادات والوقفـات=يا شمطان اللحا اللي سعيكم دايـم بالاصلاحـي
سلام اجمل من اللي خدها يلمع تقـول امـرات=ونحرها في ضلام الليل مثل البـرق لالاحـي
وشعرها اشقر طويل ومنتثر وعيونها خـدرات=نحيلٍ خصرها فـي صدرهـا تقـول تفاحـي
اصيله من مرابـط خيـل عبسيـات عبسيـات=مثل ماقالوا اهل العرف قبلي مـوتٍ امتاحـي
يلقبها زمان العولمـه فـي اخـر الصيحـات=وانا اقول ان ماهي بس صيحه عدة اصياحـي
هذا وصف التحيـه قالهـا القايـل بهالابيـات=وشبهها على اللي بالوصايـف سـمٍ اذحاحـي
يقدمهـا هديـه واعتـذار لطيبـيـن الــذات=اذا كانه حصل في نظمهـا ميـل وتمرجاحـي
وسلامتكم جميعا
محمد سلمان