[محمد الراشد]

تدمير غزة

اربع طعش ؟عام ماجتني معاذيرك=رغم اني اخلق لك الاعذار مجـاني
مدري عسى الله يمررني بتفكيرك=وتحس فيني مدامك صرت عنواني
تعبت انَشد متى تركد معاصيرك=وانت استغليت مشكلتي بحرماني
الخير واجد؟ ولكن نتحري خيرك=عذرا" اذا اخطيت يا احبابي وخلاني
واقف على الدرب مع قله مشاويرك=وانته ليا شفتني عمدا" تعداني
والله يسامحك.... ويسلم مفاتيرك=بدايه السالفه ...والعالم الثاني
مقفي ولا اقفى مع الايام تقديرك=ولك افضليه عن القاصين والداني
ماني بزير"لحد..بس اعتبر زيرك=عشانك اول غلا والا على شاني
واحدودب الظهر.. ما يحتاج تذكيرك=لو كان في خاطري شي" على لساني
تدمير غزة .....يذكرني بتدميرك=يوم التفت يـــــــــم خفاقي وشرياني
واعادة اعمار قلبي ما تبي غيرك=مع احــــــــــترامي لخَلاني وحبَاني

اتمنى ان تنال رضاكم رغم انني غير مقتنع بها
وارجو من المشرفين تنسيق القصيدة

الموضوع الأصلي: تدمـــير غزة يذكرني بتدمــيرك ـــــ يوم التفت يـــم خفاقي وشرياني | | الكاتب: محمد الراشد | | المصدر: شبكة بني عبس