[مسندالعويمري]

بسم الله الرحمن الرحيم

اعضاء ومشرفي واداراة هذا الصرح الشامخ

السلام عليكم ورحمة الله وبركاته

اضع هذي القصيده واتمنا تنال اعجابكم

مع تقبلي النقد البنا

[POEM="font="Simplified Arabic,5,darkred,bold,normal" bkcolor="burlywood" bkimage="" border="double,4,gray" type=2 line=0 align=center use=ex num="0,black""]
كتبت الشعر في صفحة خيال وحل حلم وسال =عن حلومن تحقق في عناق القوم ملزومه

تخيلتك خيال اللي تخيل بلخيال خيال =خيالن شح في برقه ورعَاده وديمومه

خيالن سار بي صوبك وفي لحضة وصولك قال = طلع نور الفجر لابد لعيونك من القومه

يطول الشرح وعجاج الخيال وشي ماينقال = نهاية رحلة الطرقي ليال أيام محسومه

شكيتك همي الصامت على مر الزمن لو طال = شكيتك همي اللي لو أخفي بانت وسومه

يتيم من الفرح جفنن كبر والدمع دمع اطفال = تباها ويتصبر بس حلمه فتر أعزومه

اذا الحمله ثقيله والجمال الي تشيل اهزال = تبي تبقا مع أحمولن بقت بلقاع مردومه

يقال الوقت مظلم في طيوفه والدجا لازال = أقول الشمس تبقا شمس فوق الارض معلومه

أضن الحيله الي ما تبيض جبهة الحيال = ضعيفه والضعاف بسوقها ماهي بمسيومه

وطن تبقا وطن غالي ويفداك العمر والمال = ولكن عزتي تبقا بقدر وعز مشيومه

وطن تلقاني بجنبك اذا بار العميل ومال = وطن تبقى يديه بيض لك ماهي بمسمومه [/POEM]

الموضوع الأصلي: عجاج الخيال | | الكاتب: مسندالعويمري | | المصدر: شبكة بني عبس