لاوهني النـاس تدلـه مـع النـاس
وانا عجزت القى مع النـاس ناسـي
انـا هواجيسـي ليـادك الادمــاس
علـيً دكـن مـع دكـاك الدماسـي
ما مـر يـوم الا وبالقلـب هوجـاس
والله مادري كيف مـا شـاب راسـي
باسباب محبوب(ن) من البيض حساس
ماشفت مثله فـي جميـع الجناسـي
خل(ن) بني حبه بقلبي علـى سـاس
ورسى كمـا ترسـي جبـال رواسـي
اسمه بقلبـي كاتبـه بيـن الاقـواس
اربع حروف(ن) حطم(ن) قلب قاسـي
ابو عيون(ن) كنهـا عيـون قرنـاس
شاف ابرق الجنحان بيـن الهراسـي
لو مادرس بالمدرسه عـدم الاجنـاس
زينـه وعقلـه مستـواه الـدراسـي
غبت بحر من طب في وسطها انحاس
اوصاب عقله مـن هـواه انتكاسـي
حبه تحول تالـي الوقـت وسـواس
لامـدرك(ن) وصلـه ولانـي بناسـي
لو اقدر اصبر واقنع النفـس لابـاس
لكن عجز عن مقصد النفـس باسـي
دخلت مستشفى الروابـع والاخمـاس
وكتبتله في قلبـي اسـم(ن) خماسـي
واخذت انا ويـاه مـده بـلا ونـاس
وقبـل حلـول اهمومهـا والمآسـي
واندارت ايـام السعـاده بـلا تعـاس
وكل(ن) شرب من مر فرقـاه كاسـي
هو يحسبني طعـت عـاذل وبـلاس
وان زمانـي صـار فيـه انعكاسـي
ومن بعد هذا حال من بيننـا اليـاس
ولازال حبـه هـو بـلاي الاساسـي
الابيات منقوله لشاعر عبدالله باتل
وشـــــــكــــــــــــــــــــرا