[عبدالله المظهور]

اقتباس من مشاركة جمعان خلف الله يسعد مساك ياخي عبدالله ولكن كبرتم راس سويلم علينا أنت اسميته مفتاح الشعر والدويله لقبه بشاعره المفضل ياخي وين نروح حنا كل هالمسيره الشعريه ولم نحصل على لقب , لاتصدقني تراي امزح الله يعطيك العافيه , ابيات عن معلقه شكرا لك

ابو خليفه .. مع فائق احترامي وتقديري .. ارجو تقبل الآتي :

مادام ان هذا رد شاعر مثل .. جمعان=فداه القصيد وبحر شعري وقيفاني
على صيبته طير القصايد طلع جوعان=وحول عليها بنقرة(ن) بين ضلعاني
وعلى صيبته تمطر مزون الشعر هتان=وتنبت قوافيها وتخضر الاغصاني
وعلى صيبته يارد قصيدي وهو ضميان=ومن جمته صدر عزيزن وروياني
مع .. ابو خليفه .. ينفتح للشعر بيبان=وساحه وملعب للقصايد وميداني
وهلا مرحبا ياسيد الوزن والقيفان=خصوصي ولا ينقال لفلان وفلاني
تراحيب يعقوب بقميصن معه برهان=ورأى النور بعيونه عقب كان عمياني
وانا لك تحت خدمتك تامرني وتنهان=واذا احتجتني دور عليه وتلقاني
ولك الحب والتقدير والشكر والعرفان=ياشاعر ياكاتب يامثقف ياإنساني