قصائد جدا رائعه
شاعر مبدع..شاكره لك أخي هذا النقل
أكثر قصيده أعجبتني
يـا خاطـر)
ان جيت يا خاطر عسى الله يحيِّيك
على الشّحم ومبهّرات الدّلالي
عند الرفيق اللّي يعزّك ويغليك
حيثك ولد عودٍ عزيزٍ وغالي
وان رحت يا خاطر فلاعندنا فيك
تغيب عنَّا شهور والاَّ ليالي
خذها على الذِّرعان منِّي وانا اخيك
الكذب ماهو من سمات الرِّجالي
لاراجيٍ غيرك ولانيب راجيك
في كل ميرادٍ طوالٍ حبالي
افتل واحل معقِّدات الشّرابيك
واشيل ما شالت ظهور الجمالي
ياما تصعلكنا وصرنا صعاليك
وياما تحمّلنا الحمول الثّقالي
للمرجله صرنا عبيدٍ مِماليك
وكفوفنا تندا من اوّل وتالي
لو كان مانملك رصيدٍ على شيك
اوجيهنا عند النشّاما طوالي
نشوم عن هذي ونِرهي على ذيك
وما حاشت ايدينا مهو راس مالي