الي الجورييابخت الحرف لا منك قريته
شفاتك ورد وانفاسك عبيره
ويابخت اللي غدى بالقلب بيته
وصار الشوق له بالروح ديره
ويابخت اللي بقلبك قد هويته
وسكن قلبك وسلم لك مصيره
ويابخت اللي من شفاتك رويته
ودعا ربه يكثر له بخيره
ويابخت اللي من أشواقك سقيته
ونسّيته شقا الدنيا المريره
ويابخت اللي بقافك مانسيته
كتبته والمعاني لك أسيره
(ويابخت الصبح لامنك لقيته
نسى شمسه وعاش الوقت حيره
ويابخت الليل لامنك ضويته
ومنّك غارت نجوم(ن) كثيره)
ويابخت الحلم لامنك بديته
وضمك بالغلا كل المسيره
ويابخت الطفل لامنك هديته
من شفاتك محبتك الكبيره
ويابخت الورد لاشفته وجيته
حلاته فيك وأنفاسك عبيره