سلام عليكم
حبيت انقل لكم قصيده
الشاعر 0/0 فـهـد بـادي الـشـقـل
(( يا سيـدي ))
يا سيـدي سـود الليـالي مظالم= شد الرحال وخل دربك سفيري
مابيك قربي جعلك اليوم سالم= دور مع الايام مخلوق غيــري
صدقت من قالو عليك التهايم= توشك على درب النهايه تسيري
سمعت عنك كثرة الهرج دايم= وانك تقول اني مقيد و اسيــري
ماني بحبك مغرمن فيك هايم = روح وباعد عن سمايه وطيري
صحصح من الاحلام ياهيه نايم = صارت لك الاحلام فرش وسريري
خلك على قدك إلا صرت حالم =بيني وبينك بعد نجد وعسيري
مظلم عليك الجو بالسحب غايم = ماهيض مزونه ولا جا غديري
هذا وانا مالي من الحظ قايم = كنك بوسط الجوف نار السعيري
الله رفيع الشان داري وعالم = حرام ما دب الغلا في ضميري