يازيـن وش روعـة زمانـي بليـاك
انـت الحيـاة وخافقـي فـي كفوفـك
وا نت الغرام وروعة الحب ويـاك
فـي ليلـي الثايـر اسـامـر طيـوفـك
وفرحة زماني كلهـا مـن سوايـاك
ياكيف ابنسى فرحتي فـي حلوفـك
ترى الغـلا يمـك شغـوفٍ لطريـاك
وفرحة زماني يـوم تاتـي اشوفـك
ودي ابقـربـك واتـفـهـم خـفـايـاك
فـي خافقـي ليـا الهبـايـب تلـوفـك
فـي داخلـي دايــم اعــدد مـزايـاك
وفكري توقف في مراحل صروفك
وقلبـي تعـب عيـا يلاقـي تهـايـاك
عاش الغـرام مطـرزٍ فـي حروفـك
نـور القمـر كنـه ابطـلـت محـيـاك
والشـعـر شــلالٍ تـحـدر اكـتـوفـك
والـعـود ريــانٍ يـشـادي حـلايـاك
سبحـان ربٍ كملـك فـي اوصوفـك
بالله قلـي ويــش صـامـل نـوايـاك
ودي حياتـي فـي مراحـل ظروفـك
وسوق رجلي في مماشي مطايـاك
واروي ضماي بقطرةٍ من قنوفـك
اجمع شتاتـي فـي محانـي حنايـاك
ودي حياتـي تنتهـي فــي ريـوفـك