[مفلح جامع النميش]

هذه القصيدة ترحيبيه بالمهندس / مبارك فهد الدويله / الامين العام لمنظمة عبس العالميه/اثنا زيارته عين اقنور وتشريف حفل الشيخ منصور علي القنور وقد لقيتها امامه بمقر العيون القديمه بالعين

بحفل الرجال اللي يفكون الانشاب= الله يحيي حضرتك يالدويله
والله يحيي كل وافين الاصحاب= حياكم الله يارجال الفضيله
ماهل وبل(ن) فوق الاوطان سكاب = يامرحبا ياهل الفعول الجزيله
بضيافة القنور وافين الانساب = نفوسهم للضيف ماهي بخيلــــه
منصور لامنه وصل حزم كلاب= له هيبت(ن) منها الاعادي ذليله
في وجه من ينصاه ماسكر الباب=طيبه شهدله بالسنين الطويله
منصور وافي من ترجاه ماخاب= يمناه جزله ماتمد الهزيله
اهل الكرم مذبحت عوج الارقاب=للضيف والقادم من أي فصيله
ساس الرجال اللي يعزون الاقراب =اهل السلوم الطيبات الاصيله
ربع (ن) لهم في قمة المجد مرقاب= حقايق(ن) ماهي عليهم دخيله
يوم انها بالرمح والسيف وحراب= دون الكرامه بالسيوف الصقيله
يسقون من عادوه كاسات الاسباب=ولاخير في علم(ن) بليا دليله
هذى فعول وطوعت رووس الاصعاب= وكل القبائل كاسبين النفيله
وقبل تحياتي بها العطر ينساب= امانة (ن) تاصل لراس الدويله
رجل المواقف للجزيلات كساب=مقدام شيال الحمول الثقيلـــه
ترفع لك البيضا على كل مرقاب= يلي جمعت اوفود كل القبيلـه
الطيب ماله عنك يالشيخ مجناب= اما يجيك الطيب ولا تجيله

الموضوع الأصلي: قصيدة ترحيبيبه بالمهندس مبارك الدويله | | الكاتب: مفلح جامع النميش | | المصدر: شبكة بني عبس