06-01-2009, 12:47 AM
|
|
فارس عبس يعزي قبيلة البقوم , بـ فيصل الرياحي
" رحمك الله يا ابا بدر "
فارس عبس شاعر الصحراء فوزي بن مربح يعزي ذوي الشاعر فيصل الرياحي و قبيلة البقوم كافه
باسما سلايل عبس واسما خواني=اعزي عياله وعزي ربوعه
يحسن عزاكم يا ظهور السواني =يأهل المراجل والسيوف البتوعه
وعزي الساحة وشعر المعاني=بالشاعر اللي طيبات طبوعه
مرحوم ياللي له كيان ومكاني=يا مكثر الشعار ياقل نوعه
يا بدر خيم حزنكم واحتواني=بالغايب اللي ما تحرى رجوعه
لكن تصبر واحتسب لوتعاني=لاتصير نفسك من قضا الله جزوعه
وأبوك جعله في نعيم الجناني=في جنة الفردوس تنعم ضلوعه
الله يا دنيا الهنا والهواني=متقلبه ما بين فرحه ولوعه
شاعر الصحراء فوزي بن عوض
وشبكة عبس بدورها تعزي ذويه وقبيلته , غفر الله ذنبه و اسكنه فسيح جناته
عيد بن عبيد
مع التحيه
|