[poem="font="MS Dialog,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يامرحبا مـن قلـب واحسـاس وألسـان=بالشاعر اللـي يشبـع الذيـب والطيـر
عد السحاب اللـي كمـا جبـال ورقـان=وجبال حايل والرحى وهضبـة النيـر
من هاجـس ٍ مافـارق الذيـب سرحـان=كنـه عـلـى جـمـر الــدلال المباهـيـر
بوجار نار ٍ من غضاء العـرق مليـان=سوقـه كمـا ارقـاب النيـاق المعاشيـر
لزرفلـت مـع عبلـة اسنـاف جـمـران=في غب ثالث والضمـاء لاحـق البيـر
نفح الهجير وخافقـي خضرالاغصـان=لاوحف تطير الورق قبـل العصافيـر
عفر الروابـع فـي قـرا البـال قطعـان=والبال عثمـور القـرا والهـوا عصيـر
والـجــو خــالــي والضمايـرمـسـيـان=اهــداب دوحــاً بالـلـيـال المعـاسـيـر
والصاحب الغالي على الذيب شفقـان=والـذيـب مابيـديـه غـيــر المـعـاذيـر
ماهو جفا عن قـرب الاصحـاب لكـان=خوف الرياح اتصير شعف ومعاصير
أمـا طلـبـك ؟اسـمـح لـنـا ياكحـيـلان=الـبــر يـغــري والـروابــع مغـاتـيـر
والذيـب لوشافـوه الاعــراب جيـعـان=تـلاوحـوا جـنـبـه بـعــوج البـواكـيـر
مالـه بــدار الـبـدو مسـكـن وعـنـوان=والحـر يفـهـم وش تـريـد الصقاقـيـر
ياصاحبي ناصر حشى مانت غلطـان=هـذا صحيـح وتعرفـه حـرب ومطيـر
فرقا الحبايب هو كدر صفـو الاذهـان=مانـت الوحيـد بحـب بيـض الغناديـر
انشد وتلقى اصناف واشكـال وألـوان=ويهون ما صابك مـع امصيبـة الغيـر
وأنا مالومك فـي هـوا دعـج الأعيـان=شـراد ريـم.. وطلـق الاريـا مـداويـر
قـد مرنـي مـا مـرك بمـاض الازمـان=اصغير سن وضرتـه عشـرة اصغيـر
تصـور الفرقـا جـرت عقـب مقـطـان=الله يـلـوم ابــروق مــزن ٍ مـزابـيـر
والخاتمـه ياصاحـب الذيـب سـرحـان=تمسي على خيره وتصبح علـى خيـر [/poem]
السبع الضاري