ياقدس لاتنادي مع اللي ينادون !!!!
السلام عليكم ورحمة الله وبركاته
مشاركه تضامناً مع اخواني الفلسطينيين وما يحدث في غزه ومايحدث من صمت اسلامي عربي رهيب
اليكم المشاركه
ياقدس لاتنادي مع اللي ينادون=صلاح ولى اليوم مامن صلاحي
ياقدس اتلى المجد في عصر هارون=اليوم نذبح مثل ذبح الاضاحي
من باب فلوجه الى بيت حانون=وغزه تصيح ولاسمعنا الصياحي
حنا انتحارب لاجل طه وميمون=حربٍ نشنه فاالمساء والصباحي
تعلموا بــالــ اف بي اي قانون=وتنفيذ هالقانون خشم السلاحي
تفتون ياباشات والا ماتفتون=الوضع مزري وبارق الخوف لاحي
قلتوا اغبياء عاادي! وقلنا تمونون=الخيل ياشقرى ومن طاح طاحي
حنا نميز نقطة الباء من النون=وصبراً على التظليل موتٍ ذحاحي
يالعن ابو امريكا على بني صهيون= بين احتلال وبين نار اجتياحي
ياقدس باقي لك امل جعل ماتهون=وهذا الامل هو السبب برتياحي
عيالنا لو ماستطاعوا لك ايجون=اصبر بعيال اعيالنا لك صلاحي
آخر تعديل بواسطة ذيبان الرشيدي ، 03-01-2009 الساعة 05:06 PM.
السبب: تعديل أملائي طفيف بناءٍ على طلب شاعرها العذب
|