يامرحبا بالحضور وصادق النية=تحية اسلام والسلام مبداها
باللي لفو من جنوب ومن شمالية = واللي من الشرق ومن الغرب ملفاها
ابتقدم بكلمه واسمحوا ليه=الله يحي وجيهن ماكرهناها
في حفل ربعي وكلن دون عانيه=قبيلة(ن) بالشجاعه لو تمناها
اهل الكرم واهل الحسنات والسئية=ان جيتها بخير والا بشر تلقاها
ان جيتها بخير تلقى مثله وزيه=وان جيتها بشر ما والله تعداها
تلقى بنا خير ووجيهن حيويه=الناس ماتعرف الا في محياها
ذباحة الحيل وان جاء البيت طرقيه=الحق تعطيه لو طلابه عداها
الحق تعطيه لصحابه اكرامية=وحقوقنا ماتضيع ولانتناساها
عاداتنا واضحه ماهي بمخفيه=فينا سلوم الرجال بكل معناها
فينا النفوس القنوعه والغناويه=ونفوسنا طيبه للي تنّصاها
الجار نعطيه كل الحق وشويه=وان ضاع عنده حقوقن ماطلبناها
مانذي الجار سر ولاعلانية=هاذي وصية رسول الحق وصاها
بني رشيدوقبائلنا العبسيه=رشايده من سلائل عبس منشاها
تاريخنا بالجزيره رافع الريه=وكل الرجال بقبائلها ومبناها
وختام ماقلت في ربعي شرف ليه=الي الشرف واختم الكلمه بمعناها
الشاعر / سعد عائض العويمري الرشيدي