شبت فتيلة من زناد وقديح = يوم الموازر غطرفن للسلاح
مخباطهن ماهو قريب مطيح = يدب بنات الريح يوم الصباح
ظرفه يقض موردات الضريح = قضيض نجم من سماءالكون طاح
حول من بروجه على المستبيح = عوايده مايرتطم بالبراح
دوائر التفكير ماهي ضبيح = ياحليلكم ياقليلين النصاح
النصح مايجفا ضمير النصيح = وبعض النصايح تقل سم ذحاح
اللي يمــس ابطانها لايصيح = ينطح لقاء الهيجاء وزرق الرماح
والا عن سروج الوغى يستريح = ويريح ومن اللوم كله يباح
الصمت في بعض المواقف قبيح = والقبح تنطيح الصياح الصياح
عــــادتنا تابى الكـــــلام البجيح = واهل البجاحه ماوراهم صلاح
والحاجة اللي ماوراها لحيح = راحت مراح مقيط من حيث راح
واين انت ياشعر الغزل والمديح = ادورك واثرك بعيد المشاح
هيض القريحة بكر ماهو قريح = ألذواعذب من لذيذ القراح
غنيت لعيون الغزال المليح = والطير للعلياء صفق بالجناح
قصيدة جزلة مشكور صلحان على النقل وصح لسان قائلها