يسعدني أن أهدي لكم هذه القصيدة واتمنى أن تنال أعجابكم وأتشرف بأبداء آرائكم حولها من نقد أو ملاحظه وماهو أجمل بيت بهذه القصيده أعجبكم مع تقبلي بكل ود .
جــرة الدمــــع
مليت وأنا انتظــر متى يجــي بكـــره
في داخل الروح شي (ن) حيل مقلقهـا
فيني تعب ماقدرت أحصيه وش كثره
وأحلام في داخلي عجـزت أحققهــــــا
مثلي تحمــل وقاوم وانتهى صـبره
والحال ملت وهمــي صار يسـرقهــــــا
واليوم محتار بأمري يالله الــدبره
والنفس تعبت من اللي حيل مزهقهـــــــا
لا يازمن ليه تفـــرض كل مانكـــره
واللي نبي يازمن ترفض نحققهـــــــــا
الشوق بالعـــين واضـــــح كنه الجمره
لين التهب موقها والدمـــــع يحرقهــــــا
شف جرة الدمع فوق الخد وش كبره
حتى المناديل شفهــــــــا كيف مغرقهــــــا
يامنوة القلب ياسحره وياعطره
ماادري متى في سماي يلوح بارقهـــــــــا
طول غيابك وأنا ميت من الحسرة
حتى تسببت بأشياء مااقدر انطقهــــــــا
تعال ضم الخفوق اللي فقد عمره
وأسكب بدمي رياحينك وعتقهـــــــــــــــا
في ليلي أسهرك حتى يذن لفجره
وأتنفسك في صباحي روح واشهقهـــــا
واليا لبسك النعاس وزانت الخثره
أبنتثر فوق نارك واتوسقـــهـــــــــــــــا
والمك بهون واغفي منهي السهره
في جنب من هي حياتي موت واعشقها
والشوق جمر وشب النار من جمره
لين احترق في دفاها البرد واحرقهــا
وسلامتكــم,,,,