على طريق خريص ..
السلام عليكم ورحمه الله وبركاته
اود ان اضع بين ايديكم هذه القصيده واتمنى ان تحوز على رضاكم
يالله عساها خيرتن يوم عدت=لكن تعبت اقول خيره وخيره
احترت منها كل ماقبلت شدت=عيت توافق خطوتي مع مسيره
لاعين ترعاني ولا اليـد مـدت=لحدن تبي تنخاه او تستشيره
كدتني الايـام والرجـل كـدت=عجزت افكك اسرها من اسيره
ياليت رجلي يوم صديت صدت=قبل يجير الوقت واصبح كسيره
دقتني تسع اشهور هدن وهدت=حيلي عساني جايره قبل اجيره
على طريق خريص الرجل ودت=وعجزت افرق سافيه من غبيره
وسلامتكم
الشاعر// خالد عايش الرشيدي[/FONT][/SIZE]
آخر تعديل بواسطة ذيبان الرشيدي ، 19-12-2008 الساعة 10:55 PM.
السبب: تعديل القصيدة
|