[رائد الذيابي]

قلت للي صوبتني في سها الرمش الذبول
ماتشوفين الاوادم ضعف يامال العمى

تطلقين سهام خدراتك على كل مهبول
شي يضرب بالخفوق وشي يضرب بالغمى

قالت الله لايهينك لاتقول ولا اقول
مارميت اذ رميت ولكن الله رمى

ولجمتني وازعلتني والبحر عذر الزعول
والبحر يضمي وانا ماهو بناقصني ضمى

كل مافيها خرافي حيل وأوجان البتول
الطف من الخوخ وانقى من وجينات الدمى

اعتدال افقارها يثر على بعض العقول
وانحناء ردوفها ما اثر على المشي انما

احتمل عن باقي الجسم التدلي والميول
كل ماميل عليه وواقف الخبره نمى

عزتي للي تعود لا بغى يرقا يطول
غير هالمره بغى يرقا ولا طال السما

/
الشـــــاعر :
يـاسـر التـويجـري

الموضوع الأصلي: مَـاتـُشـُوفِـيـنْ الاوادم ضـعْـف يـامَـالْ العَـمَــى ...؟ | | الكاتب: رائد الذيابي | | المصدر: شبكة بني عبس