[ســــيـــف]

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو الخطـا يقبـل مشاريـه وأعـذار=من قبل لا تخطي بقول أنت معـذور
مير البلا قلب حـوى كـل الأفكـار =ما يقبـل العميـا ولا يقبـل العـور
قدرك يوم انـك علـى كـل مقـدار=عديت حد العـذر ياراعـي الحـور
لـو كنـت للخفـاق امـر وجـبـار = اليوم لا منهـي و لا هـوب مامـور
عديتهـا مـرة ومــرة وتـكـرار =فعلك يخلينـي بـلا قلـب وشعـور
اسمع كلامي وانتبـه تقـرب الحـار= ماني على مثلك فالاشـوار مجبـور
اشوم عن مثلك واذا صار ما صـار= طويت عنك رشاي واقفيت مسـرور
واليوم لا تلحـق معاذيـرك أسـرار =لا ترسل اشواقك ورى بعض طابـور
بنيت من دونك علـى قلبـي اسـوار = حطيت عن ذكرك وعن صورتك سور
مابغاه يلقاهـا مـن انسـان غـدارا = عطيه حب ويجـرح القلـب ويبـور
كم قلت لك شفني على الجرح صبـار=حتى غديت بعالـم الحـب مغـرور
واعماك عن جرحي مشاريه واشـوار = كنك تقول انه على القـرب مسحـور
والله ماتدمـح خطايـاك الأعــذار = بس ابتعد ماني على الحـب مجبـور[/POEM]

الموضوع الأصلي: قـــــــصــــــــيــــــده | | الكاتب: ســــيـــف | | المصدر: شبكة بني عبس