السلام عليكم ورحمة الله وبركاته
اخواني اليكم المحاوره الشعريه بين الشاعرين ناصرمرسال والشاعر نواف العازمي
حيث بدأها نواف قائلاً :
نواف:
سلام رديه على نهج الرسول=منهاجها نهج الرسول الهاشمي
حنا لياقلنا عرفنا وش نقول=إسمع كلامي زين يافلان آدمي
ناصر:
يامرحبا ترحيب باصحاب العقول=اهل العقول اللي تعرف العازمي
عطنا السولف والسوالف بلاصول=اعرف قسمك وانت تعرف مقسمي
نواف:
انته تعرف العلم منته بمهبول=وإن ماعرفت العلم ماهو لازمي
السرج حق الخيل ماهو للذلول=ياللي تتاحي للخروف الارخمي
ناصر:
الليل توه باوله وانته عجول=مدري وش اللي حاصل لك ياسمي
حنا نعرف الهجن ونعرف الخيول=ونعرف كل عيال حوّا وآدمي
نواف:
بالليل واجد من يصول ومن يجول=وانا يبن مرسال ما زل اقدمي
مخ العرب ماهو بصاحي ومغسول=على علي صالح محمد خاتمي
ناصر:
وانا بعد ماني زهوف ولاعيول=لكن صدور الناس قامت تحتمي
اخر خبر يمكن حقيقي ومعقول=تبغى الخبر من فمك ولاّ من فمي
نواف:
ترى الصعاب تهون والعقد محلول=والعولمه غيرالنظام العالمي
ليا بغيت المزح ما امزح مع زعول=يمكن يبلشني والد لمحزمي
ناصر:
الناس ماتسري ورى دق الطبول=وانته معلم ماتريد معلمي
لو العرب يرضون بدنات الحلول=ما الرمح يانواف مثل الميسمي
نواف:
لولا الوسم صار الجـ ـمـ ـل مثل الرحول=وانته من أيّات الفصايل تنتمي
وشلون اباعرف زول مع عشرين زول=يمكن تدقق فيه حيل وتنعمي
ناصر:
انا من اصحاب المواقف والفعول=واالرمح والمشعاب من دون غنمي
حصّـلت لي فوق الجبل ظبيٍ جفول=يبغى السلامه مير ماهو سالمي
نواف:
الفعل من بينك وبينه وش يحول=مير الفعايل بالدلايل تلزمي
انته عيونك يوم شفت الظبي حول=قشعه على راس الشفا ما تنرمي
ناصر:
ياما مشيت المنطقة عرض وطول=والطق بالميت تراه محرمي
عيني تشوف الخصر وتشوف الحجول=ولاّ المشاكل في عيون الحضرمي
نواف:
الموت حق وما على الدنيا يزول=وانا بدافع دون دمّـي ولحمي
المحاوره منقولة..
تقبلو تحياتي ودمتم بخير
اخوكم :
الزعيم
..