من باب التواصل متواضعه عسى ان تشفع غيابي وتنال اعجابكم
ياهمي اللى كل ما جيت أبا انساك=القاك في لمحة بصر تحتويني
ومن وين ما فكرت بفكاري القاك=إمخاوين فكري وكنك قريني
اليا متى وانا احترق واتبع ارضاك=وانته على العاده تروح وتجيني
تعبت واتعبت التفاكير وياك=حرام معك اعيش باقي سنيني
خلاص قررت ارفضك ما ترجاك=وابا انهي الموضوع بينك وبيني
اما قطعت الوصل واعلنت فرقاك=والا كسبتك واحتضنتك بعيني
كانك تبيني مرحبا بك وحياك=وكانك تبي فرقاي غيرك يبيني
مسامحك والله يدمح خطاياك=وانا عسى الله للصواب ايهديني