[نايف سليمان]

" ليـــــال الـعــشــــق "

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]رددي ياليال العشق نبرة شجونــــــــــي = واضربيلي سلام الرتبه العسكــريــه
ماتعلقـت فيه الاّبكلــــف عيـــونــــــــــي = بالسهر لن مثله صعب يرفق عليــه
مايجيبه لو ارسلت اله شايب جنــونـــي = قصتي مثل بن عامر مع العامـريــــه
كيف شال القساوه طرف خرس ٍ حنوني = كل مالد يمي دقت السامـــــريــــــــه
كم طويت الليالي والحبايــب طوونـــــي = وكم جمعت الورود وكوّنت مزهريــه
كم تحديتهم في حبهم واهــــزمـــونــــي = ياكثر ماانهزمت بنظرة ٍ عــاطـفــيــه
كم طلبت الحنان وعكسها كــــم كوونـي = كيف تكوي بن آدم وردة ٍ نرجسيــــه
كم تذكرتهم ذكرى وياكم نســـــونـــــــي = كم حفظت الهدايا وضيعولي هـديـــه
كم كتبت القصايد وانصتو واسمـعـونــي = ليلة ٍ في حياتي تعتبـر عسجــديـــــه
آه كم ليلة ٍ من عصرها شرفـــــونــــــي = ولانوادع بها الاّ الشمس بالكون حيه
وآه كم ليلة ٍ مع فجرها ودعــــــونـــــي = آتقلب على فراشي وافـــــرّك يـديـــه
ان طلبت الجماعه أشرهو واتــركـونـي = وان كشفت السراير زادو الجرح فيه
وان شكيت لقرايب عاتبو واحرجـونــي = اثر مابه جمال الاّ يضحي ضـــحـيــــه
صوتي ياليال الصيف لآخر لــحـونــــي = واضربيلي سلام ٍ يشبه اقوى تـحـيــه
هيجني لي قصايد دامهم ماارحمونـــي = عادت الشعر وقت الضيق ينجد خويه
[/POEM]

بقلم / محمدمعيوف الرشيدي .
21/2/1420هـ .

الموضوع الأصلي: ليـــــــال العـــــشــــق / للشاعر محمد بن معيوف | | الكاتب: نايف سليمان | | المصدر: شبكة بني عبس