يالله تفرجهـا علـى كـل محتـاج
يامن سجى نور الدجـى وانبلاجـه
ياخالق الانسان من نطفـه امشـاج
يامقـدر احزانـه ومنـك ابتهاجـه
من كل شي سويت زوجين منهـاج
من الشجر حتى الحجـر والزجاجـه
اسرار علمك دونهـا العقـل ينعـاج
يتضائـل التفكيـر وقـت انفراجـه
ياخالقـي عبـدك تحدنـه اسيـاج
والوقت من حولـه موثـق لحاجـه
واهل الزمن ماعد بهم مضوي اسراج
كلٌ علـى ربعـه مقطـب حجاجـه
مافيهـم الا كـل شامـت ومهـراج
وقـت النوايـب مايفيـدك بحاجـه
يعجبك في وقت الرخـاء بالتغنـاج
وان قـدر الله طـار كنـه عجاجـه
يغيب عن عينك ليا احتجت بفجـاج
ينسى معاريفك ولـو كنـت تاجـه
ماني بنادم غير في قلبـي احـراج
على المشاهـد لـو تعكـر مزاجـه
الرازق الله ماهـم اهـل التبهـراج
والا الزمان اليـوم ماكثـر هماجـه
يارب مالي غير فضلـك والافـراج
ياواهب الرحمـات حتـى الخواجـه
ارفق بنا ياخالقـي بيـن الامـواج
يارب هذا الوقـت بـان اعوجاجـه
الأرض ملكك والسماء ذات الابـراج
والكون سبح لـك وتسجـد فجاجـه
م\ن