البارحه نومي على الـكـف والـكـوع
عزي لمن نومه على راس كوعه
اقنب قنيب اللي طوى بـطـنه الجوع
ذيبن يجر الصوت من كـثـر جـوعه
على عشيقن دونه الـدرب مـقـطـوع
وعـلـيـه قلـبـي يابـسـاتن ضلوعه
يوم المنادي صـاح ماعـادِ مـسـموع
يوم الملك قد طاح واعلن خضوعه
يوم اللـقا اصـبـح كـمـا حـبـة الـكـوع
الحال صـارت بـيـن غـبـنـه ولـوعـــه
يافهيد قلي هـالـشرف لـيـه مـبـيوع
ليه الحـسد هالـوقت زادت فـروعه
ختم الردى في غالب الناس مطبوع
والـخـير روح واعـتـذر عـن رجـوعـه
ليه البخت من تاعس الـحـظ مـنـزوع
ليه الشـقـا حـلا بـوجـهـي طـبـوعه
ليه الـفـرج فـي رمل الاوهام مزروع
والقـرم يـنـتـف شـاربـه من فـجوعه
ليه اللقا في ساحة الشوق مـمنوع
ليه الجفا شعشع سماي بسطوعه
وابي السموحه منك لاتصير مفزوع
واكتم سدودك وواحـتـذر كــل روعه
ان جاك علمي بأبيض الكفن ملفوع
مشيوع جـثـمـانـي وقرب وضوعه
اعلن رحيلي وأجهر بحس مـسموع
مـرحـوم يـاطفلن رضع من دموعه .
,,
,,