[يـوسف بن شلاح]

أخواني أعضاء شبكة عبس ومرتاديها
السلام عليكم ورحمة الله وبركاته
يسعدني ويشرفني أن أقدم بين يديكم هذه القصيدة التي ألقيتها
في مجلس الأمير/فهد بن ناهس بن براك خلال زيارة خاصة رافقني
بها وفداً من شبكة عبس ممثلة بكهل الصباء وسيف عبس وسيتم تنزيل
الصور وتفاصيل الزيارة لاحقاً في موضوع مستقل:


[poem="font="Arial,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
من عادني طفلٍ وهجسي لعابيب=أمشي مع أقراني وفكري مغاير
شبيت مع شعري على عز وأشيب=ما لاقت الحسرة بعيني عباير
ماني ورى شعري مدور مكاسيب=ومدحٍ يذيل في طلب مدح باير
وإن جت لمدح أهل المواجيب والطيب=قلطت ثلث سنين عمري سباير
خشية مناقيدٍ ورمية عذاريب=ومثلي لعثرات الرفاقة جباير
وعزاي في جاسم بلا شكٍ وريب=بشراي في شيخٍ على إخطاه ساير
فهد ولد ناهس عطيب المضاريب=نجمٍ لمطلاعه تساق البشاير
سليل مجد العود سقم الأجانيب=اللي يكن العظم والدم فاير
دليم من يثني ورى شمخ النيب=وصم الرمك من نقعها العج طاير
دون البويضاء يلتهب كنه الذيب=ولأحمى وطيس الحرب كالموج ثاير
منبع صفاوة مأنت صفوة حثاريب=مهدك رضيع العز ماهو بضاير
يا لين الجانب يا ريف الأصاحيب=رهبة جنابك للمعادي عزاير
يأمير مدري ويش أخلي؟ وش أجيب؟=واللي سمعته مؤجز أخبار زاير
بزيارته يأمير ماله مطاليب=غير السلام وجرح مزمن وغاير
[/poem]

يوسف سالم بن شلاح

الموضوع الأصلي: وفد شبكة عبس في زيارة الأمير فهد بن ناهس بن براك | | الكاتب: يـوسف بن شلاح | | المصدر: شبكة بني عبس