بسم الله الرحمن الرحيم
السلام عليكم ورحمة الله وبركاته
أنقل لكم هذه المحاوره التي جمعت شاعرين من شعراء المنتدى العمالقه حيث شملت القوه والمعرفه والمعاني الجميله وصعوبة التركيب في القاف ولشدة إعجابي أنقلها إليـكم بتنــســيق :
شاعر الثقلين
الليل راح ولابقا من ليلنـا للجـن ليـل=يالكابتن اللي طايرتك موقعه والليل راح
الهيل فاح ولاسقا الا راس بن وشف هيل=والدم حول يجتلد والبن قبل الهيـل فـاح
الكابتن
لين الصباح انامعك واللي بقا ليلٍ طويـل=أباخذك رحلت ذهاب مع السما لين الصباح
عقد النكاح اللي معي وانا فحل لأم الجديل=انا الفحل لأم الجدايل في يدي عقد النكاح
شاعر الثقلين
ياجيل صاح الديك واخطا الوقت يوم اذن ياجيل=يالله دخيلك ليش ذاك الديك بين الجيل صـاح
شيل الرماح اللي تهاوى بالضلوع العوج شيل=مادام فيها عقد وام فحول قـم شيـل الرمـاح
الكابتن
جاهد صلاح الدين والجنه نهرها سلسبيـل=ولولا بنات الحور ماصوت ولا جاهد صلاح
الدم ساح ولا حظن طعن السلاح الا الشليل=جهز شليلك لا تضايق يوم شفت الدم ساح
شاعر الثقلين
سهيل لاح ولاشقا ألا اللي حسب غيبت سهيل=يامقرنسين الطير طول العام لين سهيـل لاح
حليل مـاح ولا لقـا بالدلـو جمـه ياحليـل=اللي من أولها كلا الخابور ليت حليـل مـاح
الكابتن
شعيل طاح وش يفيده لو رغى طايح شعيل = اول هدر لكن رغى هاالحين يوم شعيل طاح
حصيل ساح ولا بقالك بعد هاالمده حصيل = ماظنتي تلقا حصيل اللي حصل حصيل ساح
شاعر الثقلين
السيل جاح ولا رقا ما سند الشعبـان سيـل=ألا هذاك الوادي اللي يوم جاه السيل جـاح
نيل الوشاح من النقا والشعر مثل العلم نيل=أصبح يا كابتن بالذرى ماحصل ٍ نيل الوشاح
الكابتن
الكيل باح ولا بقالك زاد لا تقعد تكيل = مامعك زاد ارتاح ليه تكيل يوم الكيل باح
عليل ناح ولا لقاله طب من جرح ٍ عليل =جرحه على طول الزمن يبقى معه عليل ناح
وهنا ألتقـى الكابتن مع شاعر الثقلين في يوم أمــس وإلــيكم المـحاوره حــيث القوه والبيوت الجزله والجميله والتحدي وكانت بعنوان (اللــيـــل ناويـــك ياشــاعــر الثقلين) من قبل الكابتن وتصادم العمالقــه :
الكابتن
الليله الليله نويت اقرأ من سطور الكتاب=الجني احشره والانسي ينصرع ونفخ عليه
الاوله حصلتها والثانيـه يمكـن ذهـاب=ماكل بيضا بشحمه والخاسر يصفق يديـه
شاعر الثقلين
الليله الليله على راس الجبل حول شهاب=الارض ثور عجها والله واعلم وش يليـه
الاوله رحلة ذهاب الثانيه رحلـة ايـاب=اخطف زمام الطايله والمخطي العن والديه
الكابتن
اللي تشوفه صادق من الوسم في صدر السحاب=ابشرك جاك المطر والخيـر ياللـي ترتجيـه
اما تضيق امن العناء والا تضيق ابـك الثيـاب=والا تسلـم بمـرك الواقـع وحظـك تحتويـه
شاعر الثقلين
الريح لاهبت يابو زيد انجلا كوم الضبـاب=والعمر مره والمكاسب بين بيضان الوجيه
اللهم لاتجعل الدنيا بوجهـي صـك بـاب=لاقفلت في وجه صلف الحظ واهتز النبيه
الكابتن
ان كان هذا مزهبك مامعك ياالطيـب زهـاب=الناس بالدولار تشري وانت مذخورك جنيـه
رزقك يجيك اطلب من المعبود ياحضرة جناب=لاعلها تفتح بوجهـك مـن هنيـه ليـا هنيـه
شاعر الثقلين
اليا دفعـت الـك الزكـاه اكيـد كملـت النصـاب=اصرف ذهب وارصد ورق واغضي ليا شفت السفيه
ياشينهـا لادرهـم الضميـان لاطـراف السـراب=يابـس لسانـه فـي جمـاه ولايحصـل مايبيـه
الكابتن
انت الذهب كله ولكن لاسوال ولا جواب=بس الفقر بين مدام علومكم صارت كذيه
عزالله اني ماضميت واردن عد الشراب=واكثر عبادلله ينسى اسمه ليا لديت فيـه
شاعر الثقلين
قوافل ابنا عبس سـارت ماتلفـت للكـلاب=اللي على سكاتها نبـح القوافـل تشتهيـه
ارفع نظرك الجيش زرفل لاتصيح للركـاب=من قال علمه لاحتمى الميقاف واجب يحتميه
الكابتن
بار القوافل ياطويل العمر عـداك الصـواب=وان كان ما نادك احد روح بدربـك لاتجيـه
خلك وسيع الصدر ماودي تضيق ابك الرحاب=الدرب تـوه باولـه والليلـه مامثلـه شبيـه
شاعر الثقلين
لاوالله الا قمت تطحن بين ضرس وبين ناب=الغالي تجنب عنه والا الرخيّـص تشتريـه
لو الك قدره مامرقت الياعوت سحم الذياب=قامت تحدك عن طريقن كنت بدري منتويه
الكابتن
اليا دخلك الشك عقلك صار في حجم الذباب=لا يلحقك فالامر شك الوضع يالصاحب بديه
من خلقت الدنيا وساس الحسد يوجد بالغراب=وانت تعرف ياصاحبي بان الحسد شيٍ بذيه
شاعر الثقلين
أهوى على هامتك سيف الهند مصقول النصاب=اللي يقص العظم والموت الحمر مكتوب فيـه
مايملي عيون الحسد لابحلقت غيـر التـراب=والظاهر ان اللي على بالي جنابـك يحتريـه
الكابتن
مدام في يمناك سيف الهند شف عوج الرقاب=اما يعدل العوج والا شرهة السيـف ليديـه
لا ذاب صبر المبتلي دمعه على الخدين ذاب=ياهيييه قبل الناس لا تشره عليك ارحل ياهيييه
شاعر الثقلين
اقطف زهر واغرف بحر وانحت على وجه الهضاب=الحاقـد آطـا غاربـه واقـدر الرجـل النـزيـه
ان كان صبرك ذاب ذوب الما على طحين الخضاب=يالله لاتبلانـي مـع المجنـون وازعـل وابتليـه
الكابتن
اليا حصلـك شـي لا تتركـه واخـذه لا تهـاب=لكن وش حـال الكفيـف اللـي ظلامـه معتريـه
الضلع رد الصوت وان جاء الصوت اسميه انقلاب=لو طعتني قدام موقف صعـب مـا تحسـد عليـه
شاعر الثقلين
وراك شيبت القوافي والعمـر تـوه شبـاب=ترى العمى اللي لبعد المرمى عيونه تحتديه
انا بيوتي عامره ما ارجع على البيت الخراب=اختار شيخات الفرايد وابدي الراي الوجيـه
الكابتن
لقيت وحده من عشر وازعجت خلق الله حساب=ياليت مـا تطلـع لنـا عالـم تشابـه سيبويـه
اتعبت نفسك وانت هالوضع هـذا مـا تثـاب=الحصن هلكة مابقى عنـدك حصـانٍ تمتطيـه
شاعر الثقلين
هالحين وحده بس بعد شوي ياكثر الصعاب=والعلم عندي وارثه عن جد ماني محتذيـه
الله رمابك في يدي مافيه صده واجتنـاب=السحر يا اما تحمله والا بدمـك تستقيـه
الكابتن
الجن ينشط مع شروق الشمس والا مع الغيـاب=والانس وارث جنه الملبوس عن جـده وابيـه
ماضاق صدري منك معك الليل والهاجوس طاب=الموت في حبل الوريـد مداخلـك لا تحتسيـه
شاعر الثقلين
الجن والا الانس ابا اسوطه بسوطن من عذاب=اللي من الهامه ليا رجليه سوطـن يكتسيـه
حولت يالكابتن من اللجه على هوج العبـاب=اللي يطمك صفقها والماء ماتقـدر ترتويـه
الكابتن
تقولها والكبد فيها مـن السوالـف سـم داب=ياليت بعض الناس يومن بالنصيب ويرتضيـه
الكابتن اللي يوم جاء ساوى حضورك بالغياب=والصبح تلقى العلـم بفـوااه الاوادم تبتديـه
شاعر الثقلين
المذنب اللي طال عمره بالمعاصي لين شاب=ابليس الاعور في طريقه طول عمره مغتويه
الكابتن مكلف بعلمه مير مـاودى ماجـاب=والقرقره من عادة النوعين ياهندي يابيـه
الكابتن
لا ياحليلك تخبط برجليك مـن دون احتسـاب=حتى الجبل لو يعترضلك في طريقـك تعتليـه
ان كان تبغى الجد والصيده بمخلاب العقـاب=معي العصاء والضرب ما صحاك يالقلب البليه
شاعر الثقلين
البارح براس الجبل واليوم حـدرت الشعـاب=ضاق الفضا بك والكلام اللي يصل لك ماتعيه
والله لحشرك لين اسبب لك مع الصبح اكتئاب=والدرب الاقشر لامشيته والتوابـك تلتويـه
أنتهــت الــمــحاوره وتــقــبلوا تــحياتــي وتـقـديري