[المتجه للمجهول]

يارفيقي كان قلبك على خلـك عطـوف=عالج اللي علته داخل الصـدر الحزيـن
عانـي وده يسيـر وتحـداه الظـروف=خايف قـول المقـرد وهـرج العاذليـن
مايرده غيـر نـاس عطاهـا الله شـوف=ولا تناظر غير في كشف ستر المسلمين
ياجماعة ضيفكم يلزمه حـق الضيـوف=فـي تقاليـد القبايـل وسلـم العارفيـن
اكسبو في ضيفكم علم غانم وامعـروف=تكسبـون المغفـرة عنـد رب العالميـن
ضيفكم حاله تردا ولـه قلـب شغـوف=عاف كل البيض من شان براق الجبيـن
ينظر الترعات يمشن ولا كنـه يشـوف=ماتذكر غير حـب مضـا قبـل سنتيـن
حظي اللي جابني عند كاملة الوصـوف=في ضحى الاثنين والناس عنـا غافليـن
قلت يازين الوصايف ترا قلبـي عيـوف=ماهوى الا انتي لعلـك بحالـه تلطفيـن
قالت احذر من غرامك وعشاق الهنـوف=النصيحة قف دام انك ضمـن السالميـن
قلت حبك مثل ضرب الخناجر والسيوف=اتحمـل جـور حبـك لعلـك ترحميـن
قالت انت اليوم ماودك الدعوى تطـوف=ماتسمع فالنصيحـة وقـول الناصحيـن
قلت انا قلبي معك وانت مادوك تـروف=ارتبط حبي وحبـك مـع حبـل الوتيـن
قالت ابغا المختصر وانت رجال عروف=لا تطول السالفه بين جيـم وبيـن سيـن
قلت انتي غاية القصد واعجاز الحروف=ارسمك في صفحه العشق قلب وردتيـن
وضحكت ثم قالت اليوم قد طال الوقوف=انتبه للنـاس لا تحسـب انهـم غافليـن
واقفت بليل تناثر علـى حـد الـردوف=بعد عيـن سلهمتهـا تغيـض الحاسديـن
وبعد خد كنه البرق في عرض القنـوف=وبعد صدر شفتنا المـوت منـه مرتيـن
ومبسم كن الحلا والعسل منه امغـروف=وزاينه صف الجواهر خـلاف الشفتيـن
وقمت اناديها وناظـرت للعالـم وقـوف=واستحيت وياعسا الله يعيـن المستحيـن
وابتدت رحله غرام بها القلب امخطـوف=وانتهت لحظه وفا في حيـاة العاشقيـن
لجلها وقفت قـدم المنابـر والصفـوف=انحت الابيـات واخلـي القاسـي يليـن
مادخلني من بيوت المنافـس اي خـوف=ولا انتبهت لصوت صيحات ناس ضايعين
ابذل الجزلة ولا جاتني الهزلات اعـوف=واتحمل جور بقعـا وصكـات السنيـن
دامني ماهمني مـن يرصـون الالـوف=وافتخر في طاعـة الله وبـر الوالديـن
جعل ماننفق من الواحد الفرد امخلـوف=والصبر مذكور والله يعيـن الصابريـن

أأخوكم .. خالــد الشـعلان

الموضوع الأصلي: ضرب الخناجر والسيووووووووف ::: | | الكاتب: المتجه للمجهول | | المصدر: شبكة بني عبس