[الشامخ العرعري]

أهداء إلى جميع متذوقي الشــعر بالمنتدى وأهداء خاص إلى (( أمونه))


ــــــــ من كثر ما تبكي مجرحها ــــــ

انا قلبي من الفرقا حزين وخاطري مجروح ـــ وعيني دمعها من كثر ماتبكي مجرحها
وكل الي تشوفها من فرح فيها تراه جروح ـــ أحاول عنك اخفيها ولكن الوقت يفضحها
أقول الناس قالوا مثل ماجات الجروح تروح ـــ ومادام أقدرأخفي جروحي ليه بس أوضحها
أخفيها عن الي مالهم فاهل الهوى مصلوح ـــ وأدثرها بثوب من التجاهل لين أصلحها
وجات اللحظه الي قالت بصدق المشاعر بوح ـــ تكلم عن ظروف الحب في دنياك وأشرحها
تكلم عن غموض أيــامك اللي سرها مذبـوح ـــ تكلم يمكن الأخطاء تلاقي من يصححها
تكلم عن زمانك عن عذابك عن ليالي النوح ـــ تكلم إلى متى تحيي هقاوينا وتذبحها
تكلم عن بحر جده تكلم عن سفينة نـــوح ـــ تكلم عن جناح الطائره وألا مراوحها
ولكن الحقيقة ما تغير والمـــزوح مـــزوح ـــ وانا نفسي بقو الصبر والأصرار اسلحها
أبي أدفن سر حزني في قبورالخاطر المجروح ـــ وأبي أنسى ليلة الفرقا عسى الله ما يسامحها

تقبلو تحيااااتي أتمنا أن تنال على أعجابكمــ ...

الموضوع الأصلي: من كثر ماتبكي مجرحها | | الكاتب: الشامخ العرعري | | المصدر: شبكة بني عبس