سيرة الإمبراطور تتحدث
إخواني إدارة وأعضاء و زوار شبكة عبس قلعة المجد والتاريخ
لايسعني من هذا المنبر إلا الترحيب بكم مجدداً...
ها أنا اليوم من زاوية أخرى القي الضوء على شاعر من شعراء عبس مثل وطنه وقبيلته بالنسخة الثانية من شاعر المليون ولكن قبل أن ابدأ.
استميحكم عذرا عن أية قصور يحصل في هذا التقرير....
عندما نتحدث عن قامة من قامات الشعر الشامخة نجد سهوله بإستطراد الحديث عن تلك القامة الشعرية نظرا لتعدد مشاركات صاحب السيرة الشعرية .
... أعزائي القراء ..... شاعرنا في هذا التقرير شاعر لايحتاج إلى إشارة أو أي تعريف هو شاعر المليون أو الإمبراطور الشاعر ثنيان الرشيدي له منازلات شعرية ساخنة مع عمالقة شعر الرد في الخليج العربي نذكر على سبيل المثال لاالحصر الشاعر :
عيد مربح ، صياف ، مستور ، الرياحي ، وهناك العديد من الأسماء الرنانة في الساحة الشعرية .
ثنيان الرشيدي أو الإمبراطور شاعر يتعامل مع الشاعر المقابل بحسب أسلوب الشاعر الذي ينازله إلا في حالات خروج الشاعر المقابل عن الخطوط المتعارف عليها بهذا الفن . في هذه ألحاله يلجأ إلى أسلوبه الخاص لإنقاذ الموقف . وهو شاعر سلس في تعامله وأخلاقياته العالية لايخشى بطش كبار الشعراء الذين مثله ، ولايتها ون بالمواهب الشعرية مهما كانت الآراء من حوله .
شاعرنا له مواقف مشرفه ليست على الصعيد الشخصي بل على الصعيد القبلي الذي يشرف قبيلته أو الصعيد الوطني . برز بروز وحضور قوي ومشرف في برنامج النسخة الثانية لشاعر المليون وحظي بشعبية ذات نطاق واسع ومنقطع النظير له حضوره القوي في شعر النظم وبشهادة كبار شعراء النظم ..
شاعرنا في مرحلة نضج الموهبة الشعرية ولكن نطمح منه المزيد من التوهج الشعري في المستقبل والمحافظة على حضوره المشرف والمميز سوف نستعرض بعض مايحضرنا له من طواريق اوابيات سواء في شعر الرد أو شعر النظم . في هذا التقرير المبسط الذي لايمثل سيرته الشعرية .
محاورات :
ثنيان بن سرور
نويت اقف على الميدان وسمي على الشعار=وبا صوت لبن مربح يجي واطير اجنونـه
انا شاعر ومتعلم وانا تاجر مـن التجـار=يزين القاف لا صرت امتجود في درقسونه
عيد بن مربح
ابا ريح على الشاطي وبا ودور على المحار=وبقراء سورت البقره وجر ابليس بقرونـه
دخولك للبحر هين ولكن يصعب المظهار=حذفك الله على حوتن يبي يفرمك بسنونـه
ثنيان بن سرور
تطير الطائره يم السماء في حكمت الطيار=وبن مربح على شط البحر ويبحلق اعيونـه
نشب النار والبردان يقرب عند جنب النـار=قول الوضع ياصعبه واقول الوضع ياهونه
عيد بن مربح
تطير الطايره ولا توقـع ماعلـي اغبـار=ابن مربح يطق اصبع ويسمع لحن دلعونه
تبي تسري على ضو القمر وتكمل المشوار=ياراع الموتر اللي حين حرك عد طبلونـه
ثنيان بن سرور
الأ ياكبرها كبـراه ياستـار ياستـار=ابن مربح كبير ويصدم الظلعان بمتونه
ابا ذبحلك جمل واقول هذا طيب المقدار=وبو بطنن اصغير تشبعه جبنه وصمونه
عيد بن مربح
ابا غني لحون الحزن وحرك شجون الزار=وبا اكحل اعيون ابليس لين اتسود اعيونـه
انا زائر وشوفو وش يجيب الحظ للـزوار=انا زائر وعيني من وراء المسلم ومن دونه
***
ثنيان الرشيدي
يامرحبا باسم المدينه واهلها مـن كـل صـوب=عند الرجال اهل المكان اللـي عزيـزن شانهـا
ياطيب ليلن جاب لي صياف من بـد الحـروب=اللـي وزنهـا فـي يديـه ولا شـرى ميزانهـا
صياف الحربي
الك البقا والطيب يوجـد فالشمـال وفالجنـوب=والطيب من فعل الرجال اللـي طـوال ايمانهـا
حنا سرينا الليل كلـه كـان مـا هبـت هبـوب=وان كان هبت قوم سـج الخيـل فـي ميدانهـا
ثنيان الرشيدي
الناس تجهل في بعضها ما ملكت سـر الغيـوب=لكن طلوع الشمس من فـوق العـرب برهانهـا
ترى الوعد لك يالسحيمي فالوسيع من الـدروب=لا لاح بـراق المـزون اللـي عـزل ربانهـا
صياف الحربي
يا كثر ناسن ما يعرفون الطلوع مـن الغـروب=مثـل السفينـه فالبحـر يـوم انقلـب ربانـهـا
ترى الدروب البيض بين الناس ما فيهـا عيـوب=واهـل العوايـد لا تغمـض والكحـل فعيانهـا
ثنيان الرشيدي
ما دام عينك صاحيه مانته عن النـور محجـوب=اقرب من الصورة وتعـرف شكلهـا والوانهـا
انته تصعبهـا وهـي ياعـود مافيهـا صعـوب=كـل الطيـور مسطـره فالمسطـره جنحانهـا
صياف الحربي
خيل العرب ما عاد فيها لا نـزول ولا ركـوب=عشرين منهـا فـاول الهجمـه تجـر ارسانهـا
الله يعينك قوم سـو السالفـه باحسـن سلـوب=واليا هـداك الله تحـط النـون مثـل اخوانهـا
ثنيان الرشيدي
خيل العرب راحت بعد جوها كبيريـن القلـوب=اللـي تـدور دربهـا واللـي تجـر اعنانـهـا
اللي مضى فالباخـره مافيـه للراكـب ركـوب=واليـوم لريـاح الهبـايـب فتـحـت بيبانـهـا
صياف الحربي
ما يبلش البدوان غيـر الشيـخ نفـاخ الـذروب=اللـي ليـا قـرّب مـن الحيـه تمـد لسانـهـا
الظاهر انك تطلع من الحفـل مغفـور الذنـوب=هذا هدف مـن يرمـي الحبـه علـى طحانهـا
ثنيان الرشيدي
حنا ترانا ما نبيها يا بيـض الشـارب سحـوب=الخزنه اللـي دونهـا سلطـان مـن سلطانهـا
حنا ذخرنا السيف ياصيـاف لا شبـت شبـوب=وام الكبايـر مالهـا الا السـان مثـل السانهـا
صياف الحربي
حنا نبيها في ردون الثوب مـا تصـل الجنـوب=ياشين رمـي البنـدق اللـي منعفـت نيشانهـا
انا تراني يابيض الشارب مـا فتـش فالجيـوب=آخذ ماشـاح ولاح والدنيـا يـا كثـر الحانهـا
ثنيان الرشيدي
تبي تبين الشمس فوق الثلـج ليـن انـه يـذوب=تـارد عليـه النـاس وتعبـي منـه صملانهـا
انا ادري انك يالسحيمي لا مهبـول ولا كـذوب=احرفتها براس العصا واضفت عليـك اغصانهـا
صياف الحربي
تبا تبين الشمس مير الثلـج الابيـض دوب دوب=تـارد عليـه ام العيـال وقرقـعـة قدحانـهـا
حنا حسبنا المكسب المعروف والاصل محسوب=لو كان بعض الناس تـدري كـان زاد جنانهـا
ثنيان الرشيدي
انـت امتجهـز للقشـر والا امتجهـز للهروب=نـارن لهـا دخـان بيـن ايديـك وش دخانهـا
ما راح شي من الجمال الا البعاريـن الذهـوب=اللي تطب اوطـان يابـو زيـد غيـر اوطانهـا
صياف الحربي
ما عندنا وحده مـن الثنتيـن يالشيـخ النصـوب=اليا دهنّـا الـروس والله مـا يـروح ادهانهـا
ابليس حوّل فـي جهنّـم ميـر عيـا لا يتـوب=ذلولـه القشـرا لـك الله مـا يمـس ابطانهـا
ثنيان الرشيدي
ان كان صرت بنص درب الناس يالقاضي نشوب=نصبر على اجحـا ليـن ياخـذ حاجتـه ديانهـا
الهرج واجد والعرب ما بيـن غالـب ومغلـوب=مير المدينه يـا سحيمـي كـم عـدد سحمانهـا
صياف الحربي
يا كثر قدحان العرب فالبيت والديـس محلـوب=الجـوع ذبحهـم وخبـز الهنـد فـي عمدانهـا
اهل الحجاز من الكرم ما يذبحون الا العصـوب=واللي قعد ياكـل ثـلاث ايـام مـن عصبانهـا
****
سالم بن معزي
بسم القبيله نرحب بالضيوف الكـرام=اقولهـا واهـل الواجـب يقولونهـا
ألد عيني على اصحابي ولا هو حرام=نظره والاصحاب منـي يستحقونهـا
ثنيان بن سرور
دام البقى فيك والدنيا براد وسلام=اقولها من هنا والنـاس يحونهـا
يا راعي النظره الي ما عليها كلام=النيه الي ورى النظرات وشلونها
سالم بن معزي
الحق ما يختفي والنور يجلى الظلام=ما لازم أبيـن الدعـوه تعرفونهـا
الكلمه الي يجيني من وراها مـلام=تراي قفلت ذاك الباب مـن دونهـا
ثنيان بن سرور
ان كانها باللحم وان كانها بالعظـام=ياصاحبي مشي رجلينك على هونها
ياصاحبي ما يجيك اللوم وانت الامام=ان كان ما حطت الجمره بغليونهـا
سالم بن معزي
تكررت غلطة الاصحاب قبله وشام=واعذارهم كل مره مـا يعودونهـا
الي يحب الردوف اليا عطوه السنام=يصير مثل البضاعه وسط كرتونها
ثنيان بن سرور
منت وكيل الانام وش تبـا بالانـام=لا جاعت الناس تقدر تلمس ابطونها
الي براس العلا ما ينبطح بالعـدام=ياراعي الددسن احذر من دركسونها
سالم بن معزي
صحيح ماني وكيل الناس والحظ قـام=ولي تبي الكحل احط الكحل بعيونهـا
لو كل من قال انا فارس عطوه الحزام=اتموت ليلى مثل ما مـات مجنونهـا
ثنيان بن سرور
الجدي نوره سما والجو مابه غمام=ما غير ليلى وقيس اللمس اقرونهـا
اليا عزمت العرب عليك كثر الطعام=اهل الكرم ما يقل الزاد بصحونهـا
قصائد شعرية
يابندر العب وجـور الوقـت لايهمـك=لتفكـر انـك يتيـم وفـاقـدن والــى
العب وخل الشقـى كلـه علـى عمـك=تـراك غالـي ومانـه والبـو غالـي
لو تعرف اشعور عمـك كـل ماضمـك=ولله لتـرتـاح لتفـكـر ولاتـبـالـي
لايكبرشـوق عـمـك لتـجـه يـمـك=اكبر من افراق ابوك اللي بـرا حالـي
غـلاك نـارن بدمـي محرقـت دمـك=ومن غيري ايحصل الراحه على الصالي
عطني اهمومك وسهر اعيونك وغمـك=واقسملـي المـر واناقسملـك الحالـي
حقن على اخفض الـك المتـن وزمـك=واروح وانتـه ابالـي وارجـع ابالـي
ون كان موفيت في عهدي وانـا عمـك=مانـي برجـال لـو ايقـال رجـالـي
****
مشتاق لك شوق غصن ودع اوراقـه=من واهج القيض هج الماء من عروقه
باقي شموخه وظلـه والزمـن باقـه=وظله لغيره وشمس الصيف من فوقه
بظلاله الطير والراعي ثنـى ساقـه=والعاشق اللي شكى للغصن معشوقه
النفس تشتاق لـك والعيـن مشتاقـه=شوقن من الذات لاخونـه ولابوقـه
لو كاس حبك تثنى الموت بـه ذاقـه=تحطم اسطورته مـن كثـر ماذوقـه
****
أخترنا من ما كتب عن الشاعر ثنيان بن سرور على صفحات منتديات قبائل بني رشيد
هديان الرشيدي " الشاعر ثنيان الرشيدي شاعر بلامنازع وواثق الخطوه يمشي ملك والثقه بالنفس سلاح الرجل المتمكن والقادر على المواقف الصعبه وهكذا تعود جمهور ثنيان الرشيدي على حسن اخلاقه وتواضعه المتميز دائمأ ويستاهل ابو سرور والى الامام "
الفهد " بدون ادنى شك ان الشاعر ثنيان الرشيدي صاحب جماهيريه واسعه وجارفه سواء من ابناء قبيلته او من خارجها حتى ان الحفله التي احياها في المدينه المنوره لم يستطع اكمال بعض الطواريق ذلك لتهافت الجماهير عليه سواء بالحديث معه او بأخذ الصو ر التذكاريه مع شاعرهم المفضل ويتميز الشاعر ثنيان بالخلق الرفيع وبالرجوله وحسن التعامل مع الجمهور وهذه الصفات النبيله يفتقدها معظم شعراء الجيل الحالي فلله درك ياامبراطور عبس وهنيئا للقبيله بوجود شاعر مثله "
المغرم اليائس " ثنيان الرجل الشاعر... صاحب الاخلاق النبيلة والصفات الجميلة ... لله در هذا الرجل فالكلمات تزهوا بوصفه "
عادل العويمري " ثنيان ليس شاعر فقط بل دولة للشعر مترامية الأطراف
وفي مجــال الشعر إخطبوط له مائة يد ممتدة للإبداع"
سعد الفلاح " ثنيان سرور الرشيدي علم من أعلام عبس وله مواقف مشرفه ولايستقرب على شاعرنا ثنيان وهو من الشعراء الذينه لهم صولات وجولات في ميادين المحاوره ومهما كتبنا عن شاعرنا المبدع الأمبرطور لن نوفي له "
راشد العويس " ثنيان شاعر كبير بأخلاقه وشعره وعقله وكرمه انا كنت اعرفه عن بعد
وبعد اني عرفته عن قرب عرفت انسان فذ لايضلم احد ولا يسب احد ويحامي على اي رشيدي
لين الاخلاق لايحمل الحقد لحد لايتغير مذهبه لايعرف الموت عند المواقف "
****
من ارشيف شبكة عبس
