من اروع ماقرأت
ياصاحبي عشرين مره قلت لك لاتشتكي=لاتشتكي من جور بقعا والظروف المنهكه
دام ان حياتك معركه خلك ذكي .. خلك ذكي=وأصبر على جور الزمن. تقدر تدير المعركه
الي تعود يشتكي... والله لويبكي.. بكي=مايرحمه وقته... ولاتنفع معاه البكبكه!!
ياهيه يلي تلعب ادوار الفقيد أحمد زكي=عمر المقلد. ماضبط ميه ميه للماركه
قد ترتكب اكبر خطاء للأن إذا لم تدركي=ان ابيض النور اسطعه وأن اسود الليل احلكه
ولاتراهن ع اختلاف الحنبلي والمالكي=الله واحد والنبي.. ولكل مذهب مسلكه
أنا لي اسلوبي ولي نهجي وتعرف مسلكي=وأنته تبرر بالخفاء حادث جزيرة فيلكه
من المهم اعرف نوايا المخرج المتأمركي=مب الأهم اني اشاهد مسرحيه ****ه
ابتحمل جور وقتي لو يزيد الكي... كي=والعنف العمى ما يؤثر في شموخ المملكه
ماني ضحيه من ضحايا غزو فكري مهلكي=ولا تأثرت برسوم الشاشه المتحركه
اكبر دليل انا مع خفض الرسوم الجمركي=دام أن شعوب العالم الثالث أمم مستهلكه
ايضا مؤيد حق(ايتا) ولقليم (الباسكي)=ولاضغينه تنذكر لأسرة (خوان) المالكه
ياللأسف من غير لايدري.. منير بعلبكي=مهد لعصر الأمركه من قبل عصر الأمركه
وأن كان ردك ( لتصعلك) يزعيم الأوزبكي=انا معلم في فنون الشيطنه والصعلكه
هذي قوافي مربكه تختم ب(كه) تبدا ب(كي)=لكن على قول البعض هذي لزوم الأنتكه
لو كانت اشعاري تدل أني ذكي ومحنكي=المجتمع ممكن يسميها قصايد (فرنكه)
ولا النهايه الشعر يبقى حكي ضمن الحكي=ماغير انا يعجبني اعقد قصيدي وحبكه
والقصد الأول ولأخير استخدم اشعاري لكي=أخاطب اصحاب العقول النيره والمدركه