[اسير الصمت]

	الشاعر يخاطب جاره بان يبرقع بنته لأنها كبرت وأصبحت جميلة ياجار كانك طعتنـي برقـع الطيـر طيرك وحش واقلوبنـا مستميتـه لولاي رجلٍ من رجال بهـم خيـر ماصد واغض النظر مـن بخيتـه ياجار طيرك كل ماعرّض اعصيـر مـدري علامـه يلتفـت مادعيتـه يمر كنّـه شـارد الصيـد لاذيـر لابوه لابـو حـي حيّـه ، وميتـه اغير,وانذر ، وانذر القوم ، واغير وابيع روحـي ، وانهـزم لابغيتـه يردّنـي ياجـار طبـعٍ لنـا غيـر الجـار مانـدرج لغـرات بيـتـه يبقا على حشمه ، وشيمه ، وتقدير ويـروح عنّـي بالـردا ماقفيتـه من خوف شيِ مابعد صار ، ويصير يامّا هدمـت البيـت ، والاّ بنيتـه بعدٍ عـن الهيّـن معـزّه وتوقيـر ورجمٍ على غيـر النقـا مابديتـه يحدنـي يـم الخطـا دون تبريـر الـي بلانـي بالهـوى ، مابليتـه وانا بشر كلـي خطايـا وتقصيـر الله يغفـر كـل ذنــبٍ جنيـتـه

الموضوع الأصلي: ياجار كانك طعتني برقع الطير ,,, | | الكاتب: اسير الصمت | | المصدر: شبكة بني عبس