[ابن جحيل]

نعيق البوم ماهز الشوامخ

[POEM="font="Simplified Arabic,5,black,bold,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black""]أنا ياذاك عـــن تفكيرك آهــــل = وعــارف وين شبحك بـا لشواهل

وكم تخطي وكم كنت أتغاضى =وأرد أنصحك وأمهل لك وأماهل

على الهفوات مانفسي حريصة=وأنا من منهل أهل الطيب ناهل

اسكاتي عنك زاد ابك التمادي=وغرك يوم انا معك متساهــل

تغاضيت أحسبك ياذاك تفهم=لكنك في ذهــول الذات ذاهــل

أعرف أنه يغيضك طول بالي= وفي نفسك هواجيسن دواهل

فلا تقدر تهد الي بنيته=ولانت بما تريده فــي واهل

شموخي لاتطول ولا تطوله = ودونه يزهلك بالغبن زاهل

نعيق البوم ماهــز الشوامخ = ولارد الـورود عـن الـمناهل

تسوي لك حضورآ في غيابي = تحسبنك كبرت وصرت عاهل

ولكنك صغير بكل معنى =اراك بمدهل التغرير داهــل

تعيش أوهام تحسبها حقيقة = وتفكيرك من الأ وهام راهل

تخالف واقعك في واقع اصعب = بهذرك وشتكت منك الكواهل

مغيّب تستغيب بما تقوله = فقد فمك الصراروصار باهك

لاكن صوتك مداه لسامعينك = نكور وصوتك انكر منت صاهل

حضورك فيه مايلغي حضورك = وتصنيفك عن أهل العرف جاهل

أجــل ماعاد لك يذاك عندي = سوى كــسر اعتبارك بتــجاهــل [/POEM]
ص/ مع التحيه لابو نوح .
ص/ لحادي الجبيل لقد قمت بالغرض .

الموضوع الأصلي: نعيق البوم ماهز الشوامخ / سعدان بن عابس | | الكاتب: ابن جحيل | | المصدر: شبكة بني عبس