راسك علامك رافعه يوم أحاكيك .... الــظـاهر اني فوق حجمك عطيتك
لحظه نبي نرجع دقيقه لماضيك .... بـذكــرك فـي أي حـالـه لـقـيـتــك
كان الضياع ودمعتين تخاويك .... مــنــهـــار فــي عـــز انـهـيـارك
خذيتك وارخصت عمري لجل أداريك .... هــدمـت قـصـر الذل فيك وبنيتك
كان أغلا شمعه تنور لياليك .... لــو اضـلـمت دنياك جيت وحويتك
ياللاسف كنت امدحك وافتخر فيك .... رفـعـت شـانـك وعـلـيـت صـيتك
كنت عندي قدر غير مقدر اخليك .... امــوت وحـيـا ان قـلـت سم فديتك
واليوم شفتك خنت حتى مباديك .... صغرت في عيني وانا اللي هويتك
الضيف لو انه عدو معاديك .... غـصـب عـلـيـك تـقدره وسط بيتك
يا صاحبي با تموت ماني براجيك .... واشـره عـلي ان كان حتى طريتك
اضحك حبيبي دام وقتك مسليك .... بـاكـر تـمــوت من القهر لا نسيتك