قال الشاعر حميد بن فحيمان هذه الابيات ويسندها على حسين عبدالله الظفيري حيث انه عرف عنه بعض الكلمات الذي ذكر يقول حميد : -
ياحسين لوتعلم عن الحال ياحسين
والله ماتكتب علينا ملامه
يابو عبدالله عند حارسك زامين
وعلى من ناب الردايف غرامه
ياشوق من عافت جميع المحبين
وشامت لكم من لابسين العمامه
قلبي غدا ياقرم الاولاد قسمين
ويكفح كما المومي براس العدامه
جرا عليه ما جرا لك من الزين
ايام يوم الحب علق زمامه
اركا على بمرهف الحد عامين
لين اللحم راحت تقارش عظامه
عليه عديت الثلاثة ثلاثين
شربت من ماه وطرحني هيامه
وبعدما وصلت حسين عبدالله الظفيري الحسيني رد يقول :
ألف هلا باللي كلامه بدا زين
مثايل يشكي بهن من غرامه
يشكي لنا من حب ضاف الجديلين
اللي سبا حاله وكدر منامه
من لامكم في حب سيد المزايين
لعل حاله كل يوم بندامه
واللي برا حالك جرالي من سنين
وياما رقينا نايفات العدامه
ونوبن يسيح البال ونوبن حزينين
وعندك خبر حلو الهواء وانتقامه
وياما قعدنا بالرجاء سبعة اسنين
وأنا أحمداللي مابعد صك جامه
الواحد المعبود والي المساكين
حلل اعقدها يوم صارت قوامه
وحنا لحميد بحاجته مستعدين
وليا ورد عد علينا مقامه
ان كانها بالمال ندفع ملايين
وليا طلب زود نجيب التزامه
وان كانها بالحرب تبشر بعزين
في ماص هندي مضربه وسط هامه
والياكترب حبل النقابين صفين
ننطح وجيه المقبلين بجزامه
وسلامتكم 