بسم الله الـي كـون الارض والكـون
الواحـد المعـبـود جــلّ جـلالـه
ناصر عصى موسى على سحر فرعون
مهلك جيوش الـروم واهـل الظلالـه
ومن بعـد بسـم الله وابليـس ملعـون
ابـدا ببـدع القـاف وانقـا جـزالـه
ابيات شاعر يكتـب القـاف مـوزون
مايخذلـه شعـره ليـا جـاء مجالـه
للشيخ عبـدالله بقصـد(ن) ومضمـون
ومضمونها مـدون بنـص الرسالـه
راع الفعايل طيـب الذكـر مايهـون
عبـدالله لاركـب الرشـاء بالمحالـه
من روس قوم(ن) بالمواقيف يحـرون
معـرّب الجـديـن جــده وخـالـه
نفخر وتفخربـه رجـال(ن) مسمـون
ابـن علـي راع الوفـاء والشكـالـه
وكل النشاما بطيـب فعلـه يشيـدون
رجيـح عقـل وكـل جـزل يعنالـه
يبقى ويبقـى الفعـل بالشكـل والـون
وسـام عـز وفخـر لـلـي ينـالـه
والمدح لاهل الطيـب واهلـه يوفـون
وعبدالله اولـى فيـه ياهـل الجمالـه
واسلم وتسلم والعـذر كـان مايكـون
ان كـان قصّـر قافنـا فـي مقالـه
وختام قولـي عـد ماتنشـي مـزون
صلّـوا علـى محمّـد نبـي الرسالـه
قصيده للشاعر راشد رباح مهداه الى الدكتور عبدالله سعد العويمري
لما قام به من مجهودات تجاه قبيلته عبس..