[شداد المظيبري]

لا تقولي اشتقتي كـــافي تجرحيـــني

* * * * * * * * لا تعيــدي لــو سمحـــت ولــو سمحـت

لو تشوفي اشلــون سوتبي سنينــي

* * * * * * * * ما يفيــد الوصـــف لـــو مهمـا شرحـت

في غيابـــك شـدنــي جارف حنيـــني

* * * * * * * * ومــن غيـــابــــك يعلـــم الله انذبحـــــت

شفتــي كل الكـــــون هذا صدقينـــي

* * * * * * * * لو جمعتــــــه لو قسمتــــه لو طرحـــت

ما يســاوي شوفتـــك قـدام عيــــني

* * * * * * * * أو جنـــونـك يـــــوم ضميتـــك وطحــت

ما تغيبي كـــل لحظــه انتي تجيـــني

* * * * * * * * مع سواليفـــك ومع طيفــــــك سرحــت

آتذكـــر وانتـــي عندي توادعيـــــني

* * * * * * * * وبكفـــوفي دمعــــــــة عيونــك مسحـت

آتذكـــر يــوم قلتــي ابتفقـــــدينـــــي

* * * * * * * * وكــــل حــزن الكــــون بعيــونك لمحـت

من يدينك ذابـــت أشواقــك بدينـــي

* * * * * * * * ذبـــت في هـــذي ومـع هاذيــك سحــت

قبل أعرفــك مات كل احساس فيني

* * * * * * * * مــذكر إنـــه مـــر يـــوم ولا انجـــرحت

ومن عـرفتك وانتي فرحه تسكنيني

* * * * * * * * ولاً أنا مــا عمـــري بالدنيــــا فــرحــت

لو يطــول البعـــــــد لا لا تسأليـــني

* * * * * * * * في غيابـــي عن عيــونك وش ربحـــت

كثــــر ماحبـــك طلبتــــك تعذريـــني

* * * * * * * * صدقيـــني فــــي غيـــابك مااسترحـــت