سلام ياللي عليـه الدمـع مسفوحـي
طول غيابه وحال الياس مـن دونـه
خبري به العام يوم الوصل مسموحـي
يوم الهوى سنتـه للنـاس مسنونـه
واليوم عني وزين الـروح مطروحـي
حسبي على اللي على بابـه يردونـه
ليلة فراقـه بعينـي عيـت تروحـي
دايم على البال تخطر دمعـة عيونـه
هو نور عيني حبيبي هو بعد روحـي
وشلون ابقضي حياتي سالـي بدونـه
لي قلت ابنساه احس بنزعة الروحـي
وان جيـت ابلقـاه عيـو لا يخلونـه
يفوح صدري على شوف الغضى فوحي
نار الهوى تشتعل بالجـوف مكنونـه
باقي على الود لونـي فيـه مذبوحـي
لا خان عهدي وانا والله مـا أخونـه