السلام عليكم ورحمة الله وبركاته
هذه قصيده جديده لشاعر المبدع عبدالله باتل الرشيدي انقلها لكم
مالك سنع مدام ماعندك فلوس=كن العرب لاجيت مايرغبونك
ولاانت بمحسوس ولاانت بملموس=ولانشدٍ عنهم ولاينشدونك
ومقعادك إن ابطيت مقعاد مضروس=من كثر مابعيونهم يلخصونك
وإن جيت مره ثانيه قيل دبوس=وإلا بعد ورعانهم يضربونك
وفعلاً تحس انك مع الناس متعوس=وتدخل بعقلك مشكله مع إجنونك
ويناحسك لاجيتهم كل منحوس=وتبلش لاسولفت ويقاطعونك
ولاعندهم خلقٍٍٍ لمثلك ولا إنفوس=ولو تسرَقْ أيا حاجةٍ يتهمونك
وتصير نفسك نفس رجال ملبوس=ونوب بلا داعي إطير عيونك
إما عليها تدوس وتدوس وتدوس=وسيع وجه تصير ويجاملونك
وإلا الوجيه تصير في وجهك عبوس=تقول تعرفهم ولايعرفونك
وتبطي وهمك فيك وإدوس وتحوس=وإن عنك سمعو في غناةٍ يجونك