الجــــرح يكبر معي والناس مشغوله =واللي أبيهم مشوا واحد ورا الثاني
الليله ياطولها والدرب ياطولــــه =واللي ورايه أحس أنه تعدانــــي
الوقت لامن تغير هذي فعوله=أمالعب لعبته والاتحداني
أبواب مقفــــله ودروب مجهوله =وإذا تبي كل حاجه لازم تعانــــي
كــــلام أبقوله لكن ماأقدر أقوله = أشيــــاء في خاطري توقف على لسانــــي
غلطــــه ومن صاحبي وأقول مقبــــوووله=مره علشـــانه ومره علشانــــي
والمشكــــله لو تطول شوووي ومحلوله=عشان مايشمت القاصي ولا الداني
تكفــــون وإنتم إليا جيتوه قولوله=إني أعــــزه كثر معزة أخوانــــي
معقــــوله يجرحني لاماهي بمعقــــوله=حتى الشعروقتها ماراح ينساني
فلة حجاج وقصيدوصوله وجوله=يعني متى ماتذكر شي يلقانــــي
ماشلت هم الشكوك الدايره حوله=والا الخوي لاتردى قلت يفداني
مــــرات أحس إني حاكم تنقصه دوله=ومرات مدري من اللي ينقص الثاني