لامانسيتك يوم انا اقفيت رحال=دايم وانا مشغول بالي بذكراك
ومازلت بالخاطر ومازلت عالبال=بس اتمنا وانتظر يوم لقياك
وابا اتصل اليوم وبكره ولو طال=هجرك علينا واخذت القلب وياك
وابا اعتذر ياصاحبي والمثل قال=جامل زمانك لو زمانك تحداك
ولاتسمع اللي قيل من ناس عذال=ترى العواذل همها تفرح اعداك
ومهما حكو فينا ومهما جت أقوال=لاتسمع الحساد وتغير اخطاك
انا وقفت الحالي بوجه الاهوال=وانا تحديت الصعايب لعيناك
وقفت في وجه الهوا وقفت جبال=وصبرت من شانك على جور دنياك
كله علشان أقطع البعد بوصال=ومن شان رغبة قلبي اللي تمناك
واسمع كلام ابو سويلم لياقال=واذكر زمان(ن) فات بالخير وياك
محبكم الشاعر:
عبدالرحمن سويلم العويمري