سيف العطش يشكـي مـن الضيـم جـاره
وسيف العطى يعطي عطـى غيـر محـدود
المـشـكـلـه لازر غــيـــرك ازراره
يشـره عليـك وقفـل الابـواب مـوجـود
احد(ن)يـقـفـل دون الاجــنــاب داره
واحد(ن)زعل لامـن لقـى البـاب مـردود
احد(ن)طفـت مـن بعـد ماشـاب نــاره
جوه العيـال وشالـوا القشـع والعـود(1)
واحد(ن)عقـب ماشـاب مـثـل المـنـاره
جوه العيال اللي ارفعـوا قيمـة العـود(2)
واحد(ن)بقلبـه قــو بــاس وجـسـاره
واحد(ن)بقلبـه خـوف وارعـاب مـولـود
ماينعـرف ليـل الدجـى مــن نـهـاره
كـل الوجـيـه تـثـور ملـح(ن)وبـارود