طرد المراجل على الرجال مثل الذنوب
أحيان لعقة عسل وأحيان في طعم شب
أيامنا ياجميـل الخـد لفحـة هبـوب
والعمرمره تذوق فيـه ليلـة طـرب
ملوك دولة سبـاء كبيرهـم يالعـوب
مياسة القد لعبة فـي قلـوب العـرب
حاول تفكر مجيك كيف وقت الغـروب
ترحم لقلب ٍ تعذب من عذابك شـرب
أبصدر الحكم قلـي ياحبيبـي تنـوب
تشوف زول السعاده ساكن ٍ بالهـدب
لندار راسك تظن الشرق عندك جنوب
غافي فكر وزهمك لاشك مافيك طـب
طبع الليالي وشرالحب بين الشعـوب
أحد ٍ شرب ساقيه وأحد ٍ وقع بالغرب
ولاهرقل الجسم بالأنسان لازم يتـوب
كل المصادرتعطـل ذاك هـو السبـب
مافيه داعي نوضح لك جميع العيـوب
الخيل بآخرحياته ما تعـرف الخبـب
والجيش فيه الأصيله بعدزين الركوب
جضور رغاية ٍ تشوف كـل العجـب
هذي دروس النجابه ماتعرف الرسوب
من لاتعرف عليهـا بالمحبـه رسـب
.................................................. .............................
عنوان القصيدة(عنوان القصيدة(التشمشم))
لاوالله إلا قلعـك الماهـر الفـنـي
اللي تشمشم ليا أقبل ريحة فلوسـه
أول بسوق الجواهر كنت في ظنـي
واليوم وسط الرميله طحت بالحوسه
زهرة غرامك شذاها في يد الجنـي
النحس ثوبه يشيله ناس منحوسـه
أدري كلامي ثقيـل ٍ وأقبلـه منـي
ذي عادتي من خدعني رجلي تدوسه
في سوق عطني تجر الصوت وتغني
حبلك على غاربك والبنت محروسه
طبعك مجوسي مخالف شيعي وسني
في معبد النارتلبس لبـس ملبوسـه
الحمد للـي كشفـك ومنـك مكنـي
في لحظه أبيلس يوضي لك بفانوسه
تكفى دخيلك أببعـد وأبتعـد عنـي
عليك وجه الرسول وفوقها بوسـه
توي عرفتك أثرك الماهـر الفنـي
عيبك عيون الحقيقه فيك معكوسـه
.................................................. ..........................................
عنوان القصيدة(عنوان القصيدة(أدانة قاضي الحب))
قال مجروح ليلى يوم جـره غرامـه
هزعرش المحبه لاهل الحـب غنـى
عند قاضي المحبه قال شكوى الملامه
يجمع أحداث قصه ساقها بكـل فنـى
سبعة أيام قاضي الحـب قررمقامـه
يوم حقق مرامه نـال ماهـو تمنـى
قام يسرد قضيه حط فيهـا أهتمامـه
كل كلمه بشاهد مابهـا هـرج ظنـى
ياحكيم المحبه كـان حكمـك عدامـه
أنت بيدك مصيره من صدق ماتعنـى
قال وضح كلامك فوق هرجك عسامه
من وراك الادلـه والقرايـن تشنـى
قلت غمزة عيونك بعدها الابتسامـه
فوق هذا قوامك يـوم تمشـي تثنـى
قال ماكان قصدي جاهلاً بي غشامـه
يابن داموك شعرك بالمحافـل طعنـى
قلت عطني حقايق كان تبغى السلامه
قبل أسولف علوم ٍ بعدهـا تستجنـى
(.....)قاضي المحبه قام فيه القيامـه
من يسولف حدثهاينسب العلم عنـى
ربح درب المحبه من شقى في غرامه
شرب كاس الثماله بعدها قـام غنـى
.................................................. ..............................................
وهاذيهي نبذه من عبدالله بن داموك من قصائده
خالد المويزري معا تمنياتي لكوم بسعاده وسرور
........................وشكرأ
