]بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بكل خير اخواني واخواتي الاعزاء
انقل هاذي القصيده ارجو ان تنال رضاكم
هاذي القصيده لشاعر صالح عبدالله العويمري الملقب معينان موجهه لشاعر رابح ابومنصور
هات القلم واكتب تماثيل بسطور=ايامنا مستادبن من ودبها
هاض الضمير وصار بالقلب حاشور= بالحبر كتاب القصيده كتبها
من شاعر"ن" كنه على الشعر مسحور= لوالقصيده بالصفاه يغصبها
الله ياوقتن مضى لبو منصور= يوم المره تجدع ابيته حطبها
حلو"ن" نباها وهو مغرم ومسرور= بنت الرجال اللي عريبن نسبها
النار يشعمها على شقة النور= صاحي ويجذا دلته عن لهبها
وتلقى والوجيه الفالحه عنده احضور= والفجر شاربين القهاوي جذبها
وهالحين مايقدر على ركبت الكور= وعن الموارد عدته قد قصبها
العود مثل الورع مايردله شور= ولامشا بالارض تقل يحسبها
انشد عنه روس العثامير والقور= يومن نفسه غافله في طربها
رابح يوديله مراسيل واسبور= من خوف لاتشوفه طوارف عربها
كم مرتن عدالهن راس عنقور= وهالحين لوشاف المره ماقربها
رابح تقاعد مايصل مدهل الخور= ولاتقل عمره في حياته حلبها
ولاتقل عمره حط للذود مقهور=ولاتقل عمره عند بيته حضبها
دوجت بالحره ولاشفت مضهور= ونشدت عن هالناس وشو سببها
قالوا تحضرينا بساتين واقصور= وشغل المره ماغير لبست ذهبها
الياقالت اونس قال روحي لدكتور= من خوف لاتزعل يلبي طلبها
وسبحان ربن بدل الدور في دور= الناس شبعت مير تونس ركبها
ياابن علي عساك بالخير مذكور= ان كان ترجع شبت العمر جبها
وان كان ماتقدر مجمل ومشكور= عساك بالجنه وتقطف رطبها
وهذي تراها الخاتمه يابومنصور= وان كانها كذبه علي اللي كذبها
الشاعر صالح عبدالله العويمري الملقب معينان